काठमाडौं ।
अमेरिकी बाइडेन प्रशासनले चीनको सबैभन्दा ठूलो ई-कमर्स कम्पनी अलिबाबाको क्लाउड व्यवसायको समीक्षा गरिरहेको छ। बाइडेन प्रशासनको उद्देश्य अलिबाबा अमेरिकाको राष्ट्रिय सुरक्षाको लागि खतरा हो कि होइन भनेर जान्न हो।
यस विषयमा जानकारी भएका तीनजनाले बताएअनुसार सरकारले अमेरिकी कम्पनीसँग कारोबार गर्ने चिनियाँ प्रविधि कम्पनीहरूको अनुसन्धानलाई तीव्र पारेको रोयटर्सले रिपोर्ट गरेको छ।
अनुसन्धानको ध्यान कम्पनीले अमेरिकी ग्राहकहरूको व्यक्तिगत जानकारी सहितको डाटा कसरी भण्डारण गर्छ भन्ने कुरामा केन्द्रित छ। के उसले चिनियाँ सरकारसँग कुरा गरिरहेको छ? अनुसन्धान पछि, अमेरिकी नियामकहरूले अलिबाबालाई यसको क्लाउड व्यवसायबाट उत्पन्न जोखिमहरू कम गर्न उपायहरू लिन निर्देशन दिन सक्छन्। थप रूपमा, अमेरिकामा वा अमेरिका बाहिर बस्ने नागरिकहरूलाई अलिबाबाको सेवा प्रयोग गर्नबाट रोक लगाउन सकिन्छ।
तर, मंगलबार बजार खुल्नुअघि नै अलिबाबाको अमेरिकामा सूचीकृत सेयर झण्डै ३ प्रतिशतले घटेको थियो। कम्पनीको कारोबार १ प्रतिशतभन्दा बढीले घटेको छ। पूर्व राष्ट्रपति डोनाल्ड ट्रम्पको वाणिज्य विभाग पनि अलिबाबाको क्लाउड व्यवसायको बारेमा चिन्तित थियो। तर, बाइडेन प्रशासन सत्तामा आएपछि अलिबाबाको व्यवसायको समीक्षा गर्ने काम सुरु भएको छ।
अनुसन्धान फर्म गार्टनरकाअनुसार अमेरिकामा अलिबाबाको क्लाउड व्यवसाय सानो छ। यसको वार्षिक राजस्व ५ करोड डलर भन्दा कम छ। तर यदि अमेरिकी नियामकहरूले आफ्नो देशका कम्पनीहरू र अलिबाबा क्लाउडबीचको कारोबार रोक्ने निर्णय गरेमा यसले कम्पनीलाई नोक्सान पुर्याउँछ। यसको इमेज पनि धुमिल हुनेछ, किनकि हरेक देशका कम्पनीहरू अमेरिकी कम्पनीहरूसँग व्यापार गर्न चाहन्छन्।
समाचार रिपोर्टकाअनुसार अलिबाबाको क्लाउड व्यवसायको वाणिज्य विभागको सानो कार्यालयले अनुसन्धान गरिरहेको छ। यसलाई इन्टेलिजेन्स एणड सेक्युरिटीको रुपमा चिनिन्छ। यो ट्रम्प प्रशासनले गठन गरेको थियो, जसको उद्देश्य चीन, रुस, क्युबा, इरान, उत्तर कोरिया र भेनेजुएला जस्ता देशहरूबाट अमेरिकी कम्पनीहरू बीचको लेनदेनको अनुसन्धान गर्नु हो।
प्रकाशित: ६ माघ २०७८, बिहीबार
