ह्वाट्सएपमा नयाँ फिचर आउँदै, फोटो र भिडियो सम्पादन गर्न नयाँ पेन्सिलको सुबिधा दिईने

काठमाडौं ।

ह्वाट्सएपले प्रयोगकर्ताको अनुभव अझ राम्रो बनाउन सकियोस भन्नका खातिर आफ्नो एपमा लगातार नयाँ सुविधाहरू ल्याउने गर्दछ। पछिल्लो जानकारी अनुसार कम्पनीले नयाँ ड्रोइङ्ग टुलमा काम गरिरहेको छ, जसले २ वटा नयाँ पेन्सिल र ब्लर टूल उपलब्ध गराउनेछ।

तर अहिले यो अझै विकास चरणमा नै छ, र हाल यसको रिलीज मिति बारे कुनै जानकारी छैन। नयाँ अपडेटमा आगामी पेन्सिलको साथ, प्रयोगकर्ताहरूले आफ्नो फोटो र भिडियोहरू खिच्न सक्षम हुनेछन्।

डब्लूएबीटाइन्फोले ट्वीट गर्दै यस बारेमा जानकारी दिएको छ, र लेखेको छ, ‘ह्वाट्सएप बीटा एन्ड्रोइड २.२२.३.५ को नयाँ अपडेट आउँदैछ, र ह्वाट्सएपले दुई नयाँ ड्रोइङ टूल थपेको छ। यसले २ नयाँ पेन्सिल र ब्लर टूल प्राप्त गर्दछ, जुन भविष्यका अपडेटहरूमा प्रस्तुत गरिनेछ।

आईओएसमा रहेको ह्वाट्सएपमा पहिले देखि नै यस्तो फिचर छ जसमा ड्रोइङ्ग एडिटर मार्फत फोटो ब्लर गर्न सकिन्छ। अब यो एपले यहि फिचरको सपोर्ट ह्वाट्सएप बीटा एन्ड्रोइडमा ल्याउन लागेको हो।

यस बाहेक, व्हाट्सएप डेस्कटप प्रयोगकर्ताहरूका लागि नयाँ अपडेट प्रस्तुत गरिएको छ। नयाँ अपडेटमा च्याट बबलको रंग र इन्टरफेस पनि परिवर्तन हुनेछ।

मेसेज रियाक्सन सुविधा चाँडै उपलब्ध हुने

ह्वाट्सएपले नयाँ फिचर ‘मेसेज रियाक्सन’ मा काम गरिरहेको छ । कम्पनीले आईओएस प्रयोगकर्ताहरूका लागि सन्देशमा प्रतिक्रिया दिन सकिने सुविधा ल्याउने काम गरिरहेको छ। रिपोर्टका अनुसार कम्पनीले लामो समयदेखि यस सन्देश प्रतिक्रियामा काम गरिरहेको छ, जसले प्रयोगकर्ताहरूलाई सन्देशमा प्रतिक्रिया दिन अनुमति दिनेछ। प्रयोगकर्ताहरूले फेसबुक मेसेन्जर वा इन्स्टाग्राममा गरे जस्तै यसले काम गर्नेछ।

रिपोर्टका अनुसार सन्देश प्रतिक्रिया चाँडै सार्वजनिक गरिनेछ।