काठमाडौं ।
इटालीको सिसिलीमा रहेको कुख्यात माफिया गिरोह स्टेडाका सदस्य ६१ वर्षीय गियाचिनो गामिनोलाई प्रहरीले गुगल स्ट्रिट भ्यूको सहयोगमा २० वर्षपछि स्पेनबाट अन्ततः पक्राउ गरेको द गार्जियनले रिपोर्ट गरेको छ।
मस्ट वान्डेड अपराधी रहेकाो उनी यसअघि गामिनो हत्याको मुद्दामा रोमको जेलमा सजाय काटिरहेका थिए। उनी सन् २००२ मा जेलबाट भागेका थिए ।
फेरारीको समयमा रोमको जेलमा फिल्मको सुटिङ चलिरहेको थियो। उनले त्यसको फाइदा उठाए र गामिनो त्यहाँबाट भागेर स्पेनको गालापागर शहर पुगे।
यहाँ उनले आफ्नो नाम म्यानुअल राखेर रेस्टुरेन्टमा कुक बने। प्रहरीको नियन्त्रणबाट बच्न गामिनोले मोबाइल फोन समेत बोकेका थिएनन्। गामिनोले गालापगरको रेस्टुरेन्टमा पिज्जा बनाउन थालेका थिए भने फलफुल र तरकारीको पसल चलाएका थिए। तर इटालीको एन्टि माफिया पुलिसले उनको अनुसन्धान जारी राख्यो।
यसैबीच, इटालियन प्रहरीले गामिनो स्पेनको गालापागर सहरमा लुकेको सूचना पाएको थियो। यस्तो अवस्थामा प्रहरीले गुगल म्यापबाट गालापगरका सार्वजनिक स्थानका तस्बिरहरू खोज्ने क्रम जारी राखिरहेको थियो।
गुगल म्याप्समा भएको गुगल स्ट्रीट भ्यू फिचरमार्फत उनको तस्बिर भेटिएको थियो । त्यस गुगल स्ट्रीट भ्यू तस्बिरमा पसल अगाडि उनी अर्का व्यक्तिसँग कुराकानी गरिरहेको देखिएको थियो।
गामिनोलाई १७ डिसेम्बरमा गिरफ्तार गरिएको थियो तर बुधवार ला रिपब्लिकाले रिपोर्ट नगरेसम्म उनको पक्राउ वरपरका विवरणहरू प्रकाशमा आएनन्।
हालै पक्राउ परेका गामिनोलाई स्पेनबाट बाँकी सजायको लागि रोमको जेलमा पठाइनेछ।
१० वर्षदेखि परिवारलाई भेटेनन्, उनको अनुहारमा चोटपटकको निशानले पहिचान गरेको थियो ।
डिसेम्बरमा, पुलिसले गुगल म्याप्स फोटोहरूको अनुसन्धानमा एक रेस्टुरेन्ट बाहिर गामिनो जस्तो देखिने एक व्यक्ति भेट्टायो। गालापगरका सबै रेस्टुरेन्टको फेसबुक एकाउन्टको छानबिन गर्दा एउटा रेस्टुरेन्टका पुराना तस्बिरमा प्रहरीले गामिनोले कुकको लुगा लगाएको देखियो। गामिनोलाई उसको अनुहारमा पुरानो दागहरूबाट पहिचान गरिएको थियो। उनले आफ्नो परिवारसँग १० वर्षसम्म बोलचाल गरेका थिएनन् ।
वेबको सहयोगमा फरार माफिया व्यक्ति पक्राउ परेको यो पहिलो पटक भने होइन। गत वर्ष मार्चमा, इटालीकै मार्क फेरेन क्लाउड बिआर्ट क्यारेबियनमा युट्युब खाना पकाउने भिडियोहरूमा देखा परेपछि पक्राउ परेका थिए।
प्रकाशित: २६ पुष २०७८, सोमबार
