काठमाडौं ।
एप्पलले चाँडै नै संसारमा नयाँ आविष्कार ल्याउन सक्छ। कम्पनीको नयाँ पेटेन्ट युएस प्याटेन्ट र ट्रेडमार्क अफिस पोर्टलमा देखा परेको छ। यो अनुमान गरिएको छ कि आईफोनहरु र आईप्याडहरु चाँडै नयाँ टेक्नोलोजीका साथ सुसज्जित हुन सक्छ जसले तिनीहरूको स्क्रिन ग्लासबाट एक्सेसरीजलाई चार्ज गर्न सक्छ।
प्याटेन्ट रेखाचित्रले देखाएअनुसार यो वायरलेस चार्जिङ स्क्रिनको एक हिस्साको रुपमा काम गर्न सक्छ, जबकि अर्को तर्फ मल्टिटास्किङ गर्न सकिन्छ। यद्यपि, यो प्रविधि प्रयोग गर्दा स्क्रिनको चार्जिङ क्षेत्रमा डिस्प्ले आउटपुट हुन्छ कि हुँदैन भन्ने अहिलेसम्म थाहा छैन।
‘थ्रु-डिस्प्ले वायरलेस चार्जिङ’ नामको यो प्याटेन्टको विवरणबाट यो फिचरले एक्सेसरीजको चार्जिङलाई मात्र समर्थन गर्ने अनुमान गरिएको छ। अर्थात्, यो प्रविधिबाट एप्पल एयरपड्स, एप्पल वाच र एप्पल पेन्सिल जस्ता वायरलेस चार्जिङलाई सपोर्ट गर्ने उपकरणहरू चार्ज गर्न सकिन्छ।
यो सुविधा प्रयोगकर्तासँग चार्जर नभएको समयमा सबैभन्दा उपयोगी हुनेछ। व्यक्तिहरूले छुट्टै चार्जर बोक्न आवश्यक पर्दैन र आईफोन वा आईप्याडको स्क्रिन ग्लासबाट नै आफ्नो डिभाइस सिधै चार्ज गर्न सक्षम हुनेछन्।
यस बाहेक हालै आगामी आईफोन १४ सिम कार्ड स्लट बिना लन्च हुन लागेको रिपोर्टहरू आएका छन्, जसले केवल ईसिम कार्डलाई समर्थन गर्दछ। फोनले डुअल ईसिम कार्ड समर्थन गर्दछ, जसले गर्दा प्रयोगकर्ताहरूले राम्रो कनेक्सन प्राप्त गर्न सक्ने बताईएको छ।
प्रकाशित: १८ पुष २०७८, आईतवार
