काठमाडौं ।
चिनियाँ राइड हेलिङ जायन्ट डीडी ग्लोबल इंकले वर्तमान र पूर्व कर्मचारीहरूलाई कम्पनीको सेयर अनिश्चितकालका लागि बेच्न प्रतिबन्ध लगाएको छ। फाइनान्सियल टाइम्सले सोमबार यस विषयमा परिचित व्यक्तिहरूलाई उद्धृत गर्दै सेयर कारोबारका लागि रोक लगाएको रिपोर्ट गरेको छ।
कम्पनीको प्रारम्भिक सार्वजनिक सेयर प्रस्ताव पछिको १८० दिनको रोक अवधि जुन अवधिमा हालका र पूर्व कर्मचारीहरूलाई शेयर बेच्न अनुमति थिएन। तर अब भने कम्पनीका कर्मचारीहरुलाई अनिश्चितकालका लागि बेच्न प्रतिबन्ध लगाएको हो।
कम्पनी हङकङमा सूचिकृत नभएसम्म कर्मचारीले सेयर बिक्री गर्न नपाउने प्रतिवेदनमा उल्लेख छ ।
डीडी पछिल्लो समय चीनमा नियामक क्र्याकडाउनको लक्ष्य भएको छ जसले बेइजिङमा आधारित राइड-हेलिङ जायन्टलाई न्यूयोर्क स्टक एक्सचेन्जबाट हटाउने र हङकङ सूचीकरण गर्ने योजनाहरू घोषणा गर्न बाध्य तुल्यायो।
चीनको शक्तिशाली साइबरस्पेस एडमिनिस्ट्रेशनले कम्पनीलाई जुनमा न्यूयोर्क स्टक एक्सचेन्ज डेब्यू गरेको केही समयपछि नयाँ प्रयोगकर्ता दर्ता गर्न बन्द गर्न भनेको थियो। यसका एपहरू पनि नियामकको अनुसन्धानमा छन्।
प्रकाशित: १३ पुष २०७८, मंगलवार
