यस्तो छ हाइड्रोजन इन्धनमा आधारित पहिलो साइकल, २३ किमी प्रति घण्टाको गतिमा कुद्ने

काठमाडौं ।

धेरै देशहरू ग्लोबल वार्मिङका कारण पृथ्वीमा आउन सक्ने ठूला प्रकोपहरू रोक्न प्रयास गरिरहेका छन्। विश्वभरका ठूला शहरहरूले कार्बन उत्सर्जन रोक्न नयाँ उपायहरू अपनाइरहेका छन्। हाम्रो निजी यातायात प्रणाली कार्बन उत्सर्जनमा प्रमुख योगदानकर्ता रहेको विभिन्न अध्ययनहरूले देखाउँछन्।

यी मध्ये, कारहरू सबैभन्दा जिम्मेवार मानिन्छ। यही कारणले गर्दा अहिले धेरै देशका सरकारहरूले आफ्ना नागरिकहरूलाई हिड्न, काम गर्न वा विद्यालय जान साइकल वा सार्वजनिक यातायात प्रयोग गर्न आग्रह गरिरहेका छन्। यससँगै सार्वजनिक यातायातको सुधार र साइकलमैत्री पूर्वाधार निर्माणमा पनि जोड दिइएको छ ।

कार्बन उत्सर्जन घटाउनमा छिमेकी देश चीन पनि पछि परेको छैन। यसका लागि विगत दश वर्षमा चीनले उच्च गतिको रेल सञ्जाल बढाएर कार्बन उत्सर्जन घटाउन अगाडि बढेको छ। यस दिशामा अर्को कदम चाल्दै अब चीनले हाइड्रोजनबाट चल्ने विद्युतीय साइकल बनाएको छ ।

चीनको लोकप्रिय साइकल सेयरिङ प्लेटफर्म यूअन (YouOn) ले आफ्नो पहिलो हाइड्रोजनबाट चल्ने साइकल सार्वजनिक गरेको छ। हाल यी साइकलहरू चीनको जियाङ्सु प्रान्तको चाङ्झाउ शहरमा मात्र उपलब्ध छन्। यो प्रक्षेपणको दिन २० मिनेटको लागि२ येन शुल्क तिरेर भाडामा उपलब्ध गराइयो।

गिज्मोचाइनाको रिपोर्ट अनुसार, यी साइकलहरू बलियो धातुबाट बनेका छन् जसलाई चम्किलो पेस्टल नीलो रंगमा चित्रित गरिएको छ। हाइड्रोजन ट्याङ्की साइकलको डायग्नल बडीमा दिइएको छ। साइकलको सिटमुनि हाइड्रोजन पावर ट्रान्सफर्मर जडान गरिएको छ। धेरै कम्पोनेन्टहरू जडान गरिसकेपछि पनि साइकल हल्का र सुरक्षित भएको भनिन्छ।

यूअनका एक प्रवक्ताले यसका केही हाइलाइटहरू उल्लेख गरे जस्तै – डायग्नल बॉडी पूर्ण हाइड्रोजन पावरमा ७० किमीसम्म चल्न सक्छ र २३ किमी प्रति घण्टाको गतिमा कुद्न सक्छ। यात्राको क्रममा विद्युतीय शक्तिले सहयोग गर्छ, जसका कारण साइकल यात्रीले कम ऊर्जा खर्च गर्नुपर्ने हुन्छ ।

युअनले २०१७ देखि हाइड्रोजन पावर साइकलमा काम गरिरहेको थियो तर यसको पहिलो सफल परीक्षण अक्टोबर २०१९ मा भएको थियो। अनुसन्धान र विकासको क्रममा, अधिकांश फोकस हाइड्रोजन भण्डारण समस्यामा थियो।

कम्पनीले ३० एमपीएदेखि २ एमपीएसम्म कम्प्रेस गर्न सक्ने कम चापको हाइड्रोजन फ्युल ट्याङ्की विकास गरेको छ । जसका कारण हाइड्रोजन पावरमा चल्दा साइकल बढी माइलेज पाउँछ । यो नयाँ आविष्कारका कारण हाइड्रोजनबाट चल्ने साइकलको माइलेज अब लिथियम आयन ब्याट्रीमा चल्ने विद्युतीय साइकलभन्दा बढी भएको छ ।

हाल हाइड्रोजनबाट चल्ने साइकलको लागत लिथियम आयन इलेक्ट्रिक साइकलको तुलनामा बढी छ। युअनले कार्बन फुटप्रिन्टको बारेमा सचेतना जगाउन २०२२ को अन्त्यसम्ममा त्यस्ता थप १०,००० साइकल उपलब्ध हुने बताएको छ।