काठमाडौं ।
अमेरिकाले लगाएको ठूलो प्रतिबन्धबाट मुक्त हुँदै चिनियाँ टेक कम्पनी ह्वावेले उद्योगमा पुन: गति लिइरहेको छ। कम्पनीले अहिले अटो मेकरहरूसँग साझेदारीमा काम गरिरहेको छ। यो साझेदारी इलेक्ट्रिक भेहिकल (इभी) निर्माणमा देखिएको छ।
ह्वावेको प्रविधियुक्त पहिलो विद्युतीय गाडी तयार भएको छ। यो कारको नाम आइटो एम५ (Aito M5) हुनेछ। ह्वावेको हार्मोनीओएस अपरेटिङ सिस्टम भएको यो पहिलो कार हुनेछ। यो कार बिजुली र इन्धन दुबैमा आधारित भएर चल्छ।
कम्पनीको कन्ज्युमर बिजनेस ग्रुपका कार्यकारी निर्देशक तथा सीईओ रिचर्ड युले बिहीबार कम्पनीको शीतकालीन उत्पादन लन्च कार्यक्रममा उक्त जानकारी दिएका हुन् ।
आइटो एम५ इभीको पहिलो डेलिभरी फेब्रुअरी २०२२ मा सुरु हुनेछ। कम्पनीको दाबी छ कि आइटो एम५ ड्राइभिङ दायरा र पीक पावर प्रदान गर्ने सन्दर्भमा टेस्लाको मोडेल वाई भन्दा राम्रो छ।
ह्वावेको यो कारको घोषणा चिनियाँ अटोमेकर निओको नयाँ कार आएको एक सातापछि आएको हो । निओले आफ्नो कारले टेस्लासँग प्रतिस्पर्धा गर्न सक्ने दाबी पनि गरेको छ। ह्वावेले आफैं कार नबनाएर अन्य कम्पनीहरुलाई सवारी साधनका लागि प्रविधि उपलब्ध गराएको बताएको छ। यसले अटोनोमस भेहिकलको विकासलाई गति दिने बताएको छ।
सब्सिडी पछि, आइटो एम५ गाडीको मूल्य चिनियाँ बजारमा २ लाख ५० हजार युआनबाट सुरु हुनेछ। यो लगभग २ लाख ८१ हजार युआन मूल्य भएको टेस्लाको मोडेल वाई भन्दा कम छ। जबकि टेस्लाका कारहरू पूर्ण रूपमा विद्युतीय छन्, आइटो एम५ पूर्ण रूपमा विद्युतीय छैन। यसमा ब्याट्री सकिएपछि ड्राइभिङ दायरा विस्तार गर्न इन्धन ट्याङ्की पनि राखिएको छ।
राम्रो ड्राइभिङ अनुभवको लागि, आइटो एम५ मा डबल-लेयर साउण्ड-प्रूफ ग्लास लगाइएको छ। आइटो एम५ कार आइटो ब्रान्डको पहिलो मोडल हो। आइटो अटोमेकर सेरेसको हिस्सा हो। ह्वावेका पार्टपुर्जाहरू यसका कारहरूमा जडान गरिएका छन्। सेरेसलाई एसएफ मोटर्स पनि भनेर चिनिन्छ।
सेरेस कारहरूसँग हार्मोनीओएसको इन्टिग्रेसन छ किनकि धेरै इलेक्ट्रिक कार स्टार्ट-अपहरूले त्यस्ता विचारहरू बेच्न खोजिरहेका छन्। ह्वावेको एउटा स्मार्टवाचलाई आइटो एम५ मा कार की रूपमा समेत प्रयोग गर्न सकिन्छ।
प्रकाशित: १० पुष २०७८, शनिबार
