काठमाडौं ।
गत महिना आफ्नो पछिल्लो आईओएस १५.२ लन्च गरेपछि, एप्पलले अब आईओएस १६ जारी गर्ने योजना लिएको छ। रिपोर्टहरूका अनुसार कम्पनीले चाँडै नै आफ्ना प्रयोगकर्ताहरूका लागि नयाँ अपडेट ल्याउन सक्छ तर यसले धेरै एप्पल प्रयोगकर्ताहरूलाई निराश पनि गर्नेछ।
वास्तवमा खबर यो छ कि नयाँ अपडेट धेरै आईफोनहरूमा उपलब्ध हुनेछैन। आईओएस १६ बाहेक, आईप्याडओएस १६ मा पनि काम भइरहेको छ र यसलाई पनि जारी गर्न सकिनेछ।
यी आईफोन मोडेलहरूमा अपडेटहरू उपलब्ध हुने छैन
रिपोर्टका अनुसार आईफोन ६ एस प्लस, आईफोन ६ एस र आईफोन एसई फर्स्ट जेनेरेशन (आईफोन एसई) मोडलहरूमा आईओएस १६ अपडेट उपलब्ध हुने छैन। यी मोडलहरू बाहेक अन्य सबै आईफोनहरूमा नयाँ अपडेट जारी गरिनेछ।
साथै, आईप्याडको पाँचौं पुस्ता र २०१५ को आईप्याड प्रो मोडलहरू बाहेक आईप्याड एयर २, आईप्याड मिनी ४ मा आईप्याडओएस १६ अपडेटको लागि सपोर्ट उपलब्ध नहुने पनि बजारमा चर्चा छ।
यस्तो छ कारण
केही आईफोन मोडलमा आईओएस १६ अपडेट नपाउनुको कारण पनि रिपोर्टमा बताइएको छ। रिपोर्टका अनुसार आईओएस १६ चलाउन न्यूनतम बायोनिक ए १० चिपसेट चाहिन्छ, तर आईफोन ६ एस प्लस, आईफोन ६ एस र आईफोन एसई फर्स्ट जेनेरेशन मोडलहरू ए९ चिपसेटमा आधारित भएर चल्छन्।
कम्पनी पुष्टिको लागि पर्खँदै
यद्यपि, एप्पलले अद्यावधिकको सम्बन्धमा यी जारी समाचारहरूको पुष्टि गरेको छैन। यी सबै जानकारी रिपोर्टहरुमा आधारित मात्र हुन् । कम्पनीले आईओएस १६ को बिस्तृत जानकारी र नयाँ अपडेट बारेमा डब्लुडब्लुडिसी २०२२ मा सार्वजनिक गर्नसक्ने बताइएको छ।
प्रकाशित: १० पुष २०७८, शनिबार
