काठमाडौं ।
यदि तपाइँ इन्स्टाग्राम प्रयोगकर्ता हुनुहुन्छ भने, तपाइँको लागि खुसीको खबर छ। मेटाले चाँडै नै यस एपमा नयाँ सुविधा थप्न लागेको छ।
यो नयाँ सुविधा सर्टकट कलिङको हुनेछ। यो सुविधा आएपछि तपाईँले च्याट गर्दैगर्दा एउटै ट्याबमा रहँदा एकै क्लिकमा कुनै पनि साथीलाई कल गर्न सक्नुहुनेछ। यो फिचरको परीक्षणको काम भइरहेको छ।
यसले कसरी काम गर्नेछ?
रिपोर्टका अनुसार, इन्स्टाग्रामले प्रयोगकर्ताहरूलाई च्याटको क्रममा आफ्ना सम्पर्कहरूलाई छिटो कल गर्न सर्टकट कलिङ सुविधा दिने काम गरिरहेको छ। यो सुविधाको परीक्षण पूर्णरुपमा भइरहेको छ। यो सुविधा नयाँ वर्षमा जारी गर्ने अपेक्षा गरिएको छ।
यो सुविधाको सुरुवातसँगै, तपाईंले च्याट ट्याबको छेउमा रहेको कलिङ आइकनमा क्लिक गरेर अरु कसैसँग च्याट गर्दा नै कल गर्न सक्नुहुन्छ। यस फिचरको बारेमा बाहिर आएको जानकारी अनुसार यस अन्तर्गत तपाईले च्याट ट्याबको नजिक कलसहित २ ओटा विकल्प पाउनुहुनेछ। एउटा अडियो कल र अर्को भिडियो च्याट हुनेछ। हाल, च्याट ट्याबको छेउमा स्टिकर, इमेज र माइक आईकन मात्र उपलब्ध रहेको छ।
हाल विकल्प के छ?
यदि हामीले अहिलेको इन्स्टाग्रामको कुरा गर्ने हो भने, कलिङ र भिडियो कलिङ सुविधा प्रयोगकर्ताहरूका लागि उपलब्ध छ, तर यो सुविधाको लागि, ३-४ चरणहरू पूरा गर्नुपर्नेछ, तर यो नयाँ फिचरका साथ यो जटिलता समाप्त हुनेछ। र तपाईं सजिलैसँग आफ्नो साथी वा सम्पर्कमा संलग्न व्यक्तिहरूलाई एकै क्लिकमा कल गर्न सक्षम हुनुहुनेछ।
प्रकाशित: ५ पुष २०७८, सोमबार
