काठमाडौं ।
फेडएक्स जनरल मोटर्सको नयाँ ईभी केन्द्रित कम्पनी ब्राइटड्रपबाट इलेक्ट्रिक डेलिभरी भ्यान प्राप्त गर्ने पहिलो ग्राहक भएको छ। लजिस्टिक जायन्टले सन् २०२२ देखि आफ्नो फ्लीटमा ईभीहरु एकीकृत गर्ने बताएको छ।
ब्राइटड्रप जुन जीएमको नयाँ समर्पित इलेक्ट्रिक डेलिभरी भ्यान स्पिनअफ हो, यसले फेडएक्सलाई आफ्नो पाँचवटा ठूला आकारको ईभी६०० डेलिभरी भ्यानहरू डेलिभर गरेको बताएको छ।
यो योजनाबद्ध ५०० ओटा गाडीको अर्डरमा पहिलो हो। ईभी६०० जुन पछिल्लो शरद ऋतुमा उत्पादनमा गएको थियो । यसमा ६०० क्यूबिक फिट कार्गो स्पेस छ, पूर्ण ब्याट्रीमा २५० माइल सम्म यात्रा गर्न सक्छ, र १० हजार पाउन्ड भन्दा कमको कुल तौल रहेको छ।
भ्यानहरू इङ्गलवुड, क्यालिफोर्नियामा रहेको फेडएक्सको सुविधामा पुर्याइएको थियो, जहाँ तिनीहरूलाई राखिनेछ र मर्मत गरिनेछ। फेडएक्सले २०२२ को पहिलो अर्ध वार्षिकदेखि लस एन्जलसमा डेलिभरी गर्ने सडकहरूमा ब्राइटड्रपका सवारी साधनहरू तैनाथ गर्ने योजना बनाएको छ ।
ब्राइटड्रपले तिनीहरूलाई उपलब्ध गराएसँगै फेडएक्सले थप सवारीहरू थप्नेछ।
प्रकाशित: ५ पुष २०७८, सोमबार
