काठमाडौं ।
स्मार्टफोनको प्रयोग बढेसँगै यसका लागि विभिन्न एपको संख्या पनि बढ्दै गएको छ। तपाईंले गुगल प्ले स्टोरमा एउटै श्रेणीका सयौं एपहरू भेट्टाउनुहुनेछ। त्यहाँ धेरै स्मार्टफोन प्रयोगकर्ताहरू छन् जसले आफ्नो फोनको पूर्वनिर्धारित (डिफल्ट) किबोर्ड छोडेर टाइप गर्नका लागि तेस्रो पक्षीय किबोर्ड एपहरू डाउनलोड गर्छन्।
यदि तपाई पनि यसो गर्नुहुन्छ भने होसियार हुन जरुरी छ। वास्तवमा त्यस्ता तेस्रो पक्षीय टाइपिङ एपहरू तपाईंको फोन र गोपनीयताका लागि सुरक्षित छैनन्। तपाईको डाटा चोरी हुने र तपाईको फोन ह्याक हुने खतरा हुन्छ।
के हो खतरा
त्यस्ता एप्समार्फत ह्याकरहरूले मालवेयर र भाइरस फैलाउँछन्। यसपछि उनीहरुले फोन ह्याक गरेर तपाईको पर्सनल डाटा र बैंकिङ डिटेल्स चोर्छन् । कतिपय अवस्थामा ह्याकरहरूले डाटा चोरी गरेर ब्ल्याकमेलिङ पनि गर्छन्। यस बाहेक तपाईँको फोन पनि भाइरसका कारण बिग्रन सक्छ।
यसरी गर्छन् गडबडी
वास्तवमा, जब तपाइँ यस्तो किबोर्ड डाउनलोड गर्नुहुन्छ, तिनीहरूले तपाइँबाट धेरै अनुमतिहरू माग्दछन र तपाईँले दिनुहुन्छ, जुन त्यस्ता एपलाई आवश्यक नै पर्दैन। उदाहरणका लागि, तिनीहरूले तपाईंबाट मिडिया फाइलहरू, सम्पर्कहरू, कल लगहरू, लोकेसन र अन्य धेरै चीजहरूमा पहुँच लिन्छन्। यसपछि यी एपहरूले तपाईमाथि पूर्ण नजर राख्छन्।
यदि कुनै एप ह्याकरहरूद्वारा चलाइएको छ भने तिनीहरूले तपाईंलाई सीधै हानिनोक्सानी गर्छन्। अर्कोतर्फ, यदि कुनै सानो कम्पनीले यस्तो एप चलाइरहेको छ भने, उसले तपाईंको डाटा चोर्छ र तेस्रो पक्षलाई बेच्छ। बेच्दा कम्पनीले व्यवसायिक प्रयोजनबाट तपाईँको डाटा दिएको हुनसक्छ तर त्यो डाटा गलत हातमा गएमा त्यसको दूरुपयोग पनि हुनसक्छ।
यी कुराहरूलाई ध्यानमा राख्नुहोस्
प्रकाशित: ३ पुष २०७८, शनिबार
