काठमाडौं ।
संयुक्त राज्य अमेरिकाले पृथ्वीको सतहबाट माइल माथि चीन र रसियाबाट हुने खतराहरूको लागि स्याटेलाइट अवस्थाहरुको परीक्षण गरिरहेको छ। रसियाले पुरानो सञ्चार स्याटेलाइट (भूउपग्रह) लाई खसालेको केही हप्तापछि अमेरिकाले सो परीक्षण गरेको हो।
रोयटर्सकाअनुसार कम्प्युटर-सहायता प्राप्त सिमुलेशनहरूमा अमेरिकी मिसाइल-ट्र्याकिङ स्याटेलाइटहरू, स्याटेलाइट ज्यामिङ, र अन्य इलेक्ट्रोनिक युद्ध “प्रभावहरू” को सम्भावित आक्रमण र खसाल्नसक्ने अवस्था समावेश थियो जुन अन्तरिक्ष युद्धमा सम्भावित रणनीतिहरू हुन्।तर वास्तविक स्याटेलाइटहरू यसमा प्रयोग गरिएको छैन।
कोलोराडोको श्राइभर स्पेस फोर्स बेसको भ्रमणको क्रममा, रक्षा उपसचिव क्याथलीन हिक्सले अमेरिकी सेनाद्वारा आयोजित ‘स्पेस फ्ल्याग’ सिमुलेटेड अन्तरिक्ष प्रशिक्षण अभ्यास हेरिन्। यो १३ औं अभ्यास थियो, र बेलायत, क्यानडा र अष्ट्रेलिया जस्ता साझेदारहरू समावेश गर्ने तेस्रो अभ्यास थियो।
रसियाले गत महिना सफलतापूर्वक एन्टी-स्याटेलाइट मिसाइल परीक्षण गरेपछि, अमेरिकी अधिकारीहरूले अमेरिकी स्याटेलाइट नेटवर्कलाई आक्रमण गर्न र तालिमका लागि ‘स्पेस फ्ल्याग’ जस्ता अवसरहरू प्रयोग गर्न लचिलो बनाउन बढ्दो आवश्यकता रहेको विश्वास गर्छन्।
सैन्य संचार, ग्लोबल पोजिसनिङ नेभिगेसन, र युद्धको अवस्थामा आवश्यक पर्ने समय प्रणालीका लागि स्याटेलाइटहरू महत्त्वपूर्ण हुन्छन्।
१० दिन लामो अन्तरिक्ष युद्ध खेलले अन्तरिक्षमा अमेरिकी क्षमताको अत्याधुनिक सिमुलेट गर्ने प्रयास गर्दछ। तालिम अभ्यासमा रुस वा चीन जस्ता अन्तरिक्ष क्षमता भएको आक्रामक राष्ट्रको अनुकरण गर्न काम गर्ने एक विरोधी समूह समावेश भएको रिपोर्टमा उल्लेख छ।
प्रकाशित: २९ मंसिर २०७८, बुधबार
