काठमाडौं ।
छिमेकी देश भारतमा भोडाफोन आइडीया (भी) ले आफ्ना प्रिपेड प्लानहरूको ट्यारिफ दर २० देखि २५ प्रतिशतसम्म बढाएको छ। कम्पनीले आज एक विज्ञप्ति जारी गर्दै उक्त जानकारी दिएको हो।
भारतमा जियोले टेलिकम सेवा शुरु गरेसँगै तिब्र प्रतिस्पर्धा हुँदै आएको छ भने कम्पनीहरुले सेवाको मूल्य घटाउँदै आएका थिए। तर अहिले भने पुन सेवा शुल्क वृद्धि गर्ने क्रम शुरु भएको हो।
नयाँ योजनाहरू नोभेम्बर २५ बाट लागू हुनेछ। कम्पनीले नयाँ योजनाले प्रति प्रयोगकर्ता औसत राजस्व (एआरपीयू) प्रक्रियामा सुधार ल्याउने जनाएको छ । यसले कम्पनीलाई आर्थिक संकट पार गर्न मद्दत गर्नेछ।
एक दिन अघि मात्र अर्को प्रतिस्पर्धी टेलिकम अपरेटर भारती एयरटेलले आफ्ना प्रिपेड योजनाहरूको मूल्य २५ प्रतिशतसम्म बढाएको छ।
भोडाफोन आइडियाका देशभर २७ करोड वायरलेस प्रयोगकर्ता छन्। यसमा प्रिपेड र पोस्टपेड दुवै समावेश छन्। अर्थात्, बढेको मूल्यको प्रभाव भोडाफोनका सबै प्रिपेड प्रयोगकर्ताहरूमा पर्नेछ।
एयरटेल र भी पछि, अब रिलायन्स जियोले पनि आफ्नो प्रिपेड योजनाहरू महँगो बनाउन सक्ने अनुमान गरिएको छ। हाल, जियोका प्रिपेड प्लानहरू सबैभन्दा सस्तो छन्।
भोडाफोन आइडियाका प्रयोगकर्ताहरूले अब ७९ भारुको प्लानका लागि ९९ भारतीय रुपैयाँ खर्च गर्नुपर्नेछ। अर्थात् यो सस्तो प्लानमा ग्राहकहरुले भारु २० बढी तिर्नुपर्नेछ । त्यस्तै, वार्षिक वैधता भएको भारु २,३९९ को प्लानका लागि अब भारु. २८९९ खर्च गर्नुपर्नेछ, अर्थात् ५ सय रुपैयाँ थप तिर्नुपर्नेछ। कम्पनीले टप-अप योजना पनि महँगो बनाएको छ।
यी ट्यारिफ योजनाहरूले भी लाई भारतको सबैभन्दा तिब्र गतिको मोबाइल नेटवर्क सुधार गर्न जारी राख्न अनुमति दिने कम्पनीले बताएको छ। साथै, भी सरकारको डिजिटल इन्डिया भिजनलाई तीव्रता दिन आफ्नो भूमिका खेल्न प्रतिबद्ध रहेको जनाएको छ।
प्रकाशित: ७ मंसिर २०७८, मंगलवार
