काठमाडौं ।
बेलायती स्याटेलाइट कम्युनिकेसन कम्पनी इन्मरस्याटले अमेरिकाको क्यालिफोर्नियामा रहेको भियास्याटद्वारा ७.३ अर्ब डलरमा अधिग्रहण गर्न सहमत भएको छ। इन्मरस्याट बेलायतभन्दा बाहिरका विदेशी प्रतिद्वन्द्वीद्वारा लिने सबैभन्दा नयाँ टेक फर्म बनेको बेलायती समाचार संस्था द गार्जियनले जनाएको छ।
यो पछिल्लो सम्झौता, जसमा बेलायतको अर्थतन्त्र र राष्ट्रिय सुरक्षामा प्रमुख भूमिका खेल्ने बेलायती कम्पनीलाई विदेशी प्रतिद्वन्द्वी वा निजी इक्विटी फर्महरूले लिएको छ। दुई वर्ष पहिले निजी इक्विटी फर्म एप्याक्ससहित एक कन्सोर्टियमद्वारा लिनु अघि इन्मरस्याटलाई लन्डन स्टक एक्सचेन्जमा सूचीबद्ध गरिएको थियो।
यस सम्झौतालाई विश्वव्यापी सञ्चार उद्योगको लागि “परिवर्तनकारी” भनेर वर्णन गर्ने भियास्याटले बेलायतमा इन्मरस्याटको उपस्थिति बढाउन र लगानी गर्न जारी राख्न सरकारसँग काम गर्ने उद्देश्य राखेको बताएको छ।
“भियास्याटले इन्मरस्याटको लन्डन मुख्यालयको संरक्षण र विकास गर्ने योजना बनाएको छ,” अमेरिकी कम्पनीले सम्झौताको घोषणा गर्दै भन्यो, “भियास्याटले बेलायतमा इन्मरस्याटको उपस्थितिमा निर्माण गर्ने योजना बनाएको छ र बेलायती अन्तरिक्ष संचारमा संयुक्त कम्पनीको लगानी को संरक्षण र वृद्धि गर्न प्रतिबद्ध छ।”
इन्मरस्याटले मोबाइल स्याटेलाइट सेवाहरू प्रदान गर्दछ जसले इमेल, इन्टरनेट र भिडियो कन्फरेन्सिङ, साथै इन-फ्लाइट वाईफाई प्रदान गर्दछ। पृथ्वीको कक्षमा यसको १४ स्याटेलाइट (उपग्रह) हरू छन् र अर्को सात ओटा प्रक्षेपण गर्ने योजना छ।
रिपोर्टकाअनुसार यसले बेलायतको रक्षा मन्त्रालयलाई स्याटेलाइट सेवाहरू आपूर्ति गरेको थियो जसमा अफगानिस्तानमा लडिरहेका सेनाहरूका लागि भूसञ्चार सुधार गर्न उपयोगी भएको थियो । यसले पानीजहाजहरूको लागि समेत संचार सेवाहरू प्रदान गर्दछ।
यो त्यहि कम्पनी हो जसको प्रविधि सन् २०१४ मा हराइरहेको मलेसिया एयरलाइन्सको उडान एमएच३७० (MH370) को खोजीमा प्रयोग गरिएको थियो । कम्पनीले बेलायतमा लगभग ८६० र विश्वव्यापी रूपमा १,८०० जनालाई रोजगार प्रदान गर्दछ।
हाल बेलायतको गृह सचिव हुनुअघिसम्म प्रिति पटेललाई भियास्याटले यसअघि २०१९ मा घण्टाको १ हजार पाउण्ड स्टर्लिङ्ग तिर्नेगरी, मासिकरुपमा ५ घण्टा काम गराउने गरी विशेष रणनीतिक सल्लाहकारमा नियुक्त गरेको थियो ।
प्रकाशित: २३ कार्तिक २०७८, मंगलवार
