काठमाडौं ।
फोन कम्पनीहरूले आफ्ना नयाँ फोल्डेबल स्मार्टफोन बजारमा ल्याइरहेका छन् भने कतिपयले बजारमा ल्याउने तयारी गरिरहेका छन् । हालसम्म ह्वावे, सामसङ, मोटोरोला शाओमी लगायत धेरै कम्पनीहरुले फोल्ड गर्न मिल्ने स्मार्टफोन बजारमा ल्याएका छन् । तर अब गुगलले पनि फोल्डेबल स्मार्टफोन ल्याउन लागेको समाचार आएको छ।
रिपोर्टकाअनुसार गुगलले आफ्नो फोल्डेबल स्मार्टफोन लन्च गर्ने पूर्ण तयारी पनि गरिसकेको छ। गुगलको फोल्डेबल स्मार्टफोन अर्को वर्ष लन्च हुने अनुमान गरिएको छ। फोनको लन्च मितिको बारेमा गुगलले यस बारे कुनै विषय उल्लेख गरेको छैन।
हालैको एक रिपोर्टमा गुगलको यो नयाँ फोल्डेबल स्मार्टफोनको बारेमा निकै महत्वपूर्ण जानकारी दिइएको छ। नाइन टु फाइभ गुगलका अनुसार कम्पनीको यो नयाँ फोल्डेबल स्मार्टफोनमा पिक्सेल ६ र पिक्सेल ६ प्रोमा उपलब्ध भएका उच्च स्तरका क्यामरा हुनेछैनन्।
जानकारी रहोस् पिक्सेल ६ र पिक्सेल ६ प्रो फ्ल्यागशिप स्मार्टफोनहरूमा टेन्सर चिपसेट छ र तिनीहरूको क्यामरा सेटअप पहिले लन्च गरिएका पिक्सेल डिभाइसहरू भन्दा धेरै राम्रो छ।
रिपोर्टका अनुसार फोल्डेबल पिक्सेल स्मार्टफोनको कोडनेम ‘पिपिट’ हो। फोल्डेबल पिक्सेल स्मार्टफोनमा गत वर्ष लन्च गरिएको पिक्सेल ५ को क्यामरा सेन्सर राखिएको छ।सो फोनमा क्यामरा १२.२ मेगापिक्सेलको (सोनी आईएमएक्स३६३ सेन्सर) सहित छ। यो क्यामरा पहिलोपटक पिक्सेल ३ मा पनि प्रयोग गरिएको थियो।
यस फोनमा प्राइमरी क्यामेरा हुनेनैछ, यस बाहेक, यो फोनमा अल्ट्रा-वाइड एंगल सेन्सर पनि उपलब्ध हुन सक्छ। फोन फोल्ड गर्दा प्रयोगकर्ताहरूले यो सेन्सर प्रयोग गर्नेछन्। यति मात्र होइन, यो नयाँ फोनमा ८ मेगापिक्सेलको बाहिरी डिस्प्ले र भित्री डिस्प्लेका साथमा क्यामरा पनि हुनेछ।
प्रकाशित: २२ कार्तिक २०७८, सोमबार
