काठमाडौं ।
गुगलले प्रयोगकर्ताको खातालाई थप सुरक्षित र भरपर्दो राख्न गुगल खातामा ठूलो परिवर्तन गर्ने निर्णय गरेको छ। यस अन्तर्गत यहि नोभेम्बर ९ तारिखदेखि गुगलका सबै उत्पादन तथा सेवाहरुमा नयाँ सुरक्षा अपडेट जारी गरिने जनाएको छ।
यस पछि, तपाईंले गुगल खातामा लगइन गर्न दुई-स्टेप अथेन्टिकेसन (दुई चरणको प्रमाणीकरण) प्रयोग गर्नुपर्नेछ। यदि तपाइँ यसलाई पालना गर्नुहुन्न भने, तपाइँले आफ्नो एकाउन्टमा पहुँच गर्न सक्षम हुनुहुने छैन।
यो नयाँ नियम गुगलमा एकाउन्ट खोलेका सबै प्रयोगकर्ताहरुका लागि अनिवार्य रूपमा लागू हुनेछ। कम्पनीले सुरक्षालाई ध्यानमा राखी दुई चरणको प्रमाणिकरण कार्यान्वयन गर्न निकै जरुरी रहेको बताएको छ।
गीज्मोचाइनाको रिपोर्टअनुसार गुगलले नोभेम्बर ९ बाट यो नयाँ सुरक्षा प्रणाली लागू गर्नेछ। यसबाट, सबै गुगल खाताहरूले अतिरिक्त तह सुरक्षा पाउनेछन् र यसले तपाइँको व्यक्तिगत डाटा धेरै सुरक्षित राख्नेछ।
अहिले पासवर्ड चोरीका घटनाहरु बाहिर आउने क्रम जारी छ। यस सम्बन्धमा गुगलमा अनगिन्ती गुनासोहरू आइरहेका थिए। यसैलाई ध्यानमा राखेर यो कदम चालिएको बताईएको छ।
गुगलले यस सम्बन्धमा प्रयोगकर्ताहरूलाई इमेल र इएप प्रमोशन मार्फत जानकारी पठाउँदैछ। यो सुरक्षा प्रणाली स्वचालित रूपमा सक्रिय हुनेछ, यसका लागि तपाईंले केहि गर्नु पर्दैन।
कम्पनीले यस वर्षको अक्टोबरमा आफ्नो एक ब्लगमा यस बारेमा जानकारी दिएको थियो। त्यसबेला कम्पनीले सबैले आफ्नो गुगल खातामा लग इन गर्न दुई चरण प्रमाणीकरण गर्न आवश्यक हुने बताएको थियो।
कम्पनीको यो निर्णयसँगै करिब १५ करोड गुगल प्रयोगकर्ताहरू स्वतः यस प्रक्रियाको हिस्सा बन्नेछन्। यदि प्रयोगकर्ताले दुई-चरण प्रमाणीकरण गर्दैन भने, उसलाई गुगल खातामा लगइन गर्न अनुमति दिइने छैन। यस बाहेक यो फिचरलाई लगभग २० लाख युट्युब क्रिएटरले पनि अपनाउनुपर्ने गुगलले बताएको छ।
यसरी काम गर्नेछ नयाँ प्रणालीले
दुई चरण प्रमाणिकरण कसरी सक्रिय गर्ने?
प्रकाशित: २१ कार्तिक २०७८, आईतवार
