काठमाडौं ।
स्याटेलाइट अपरेटर इन्टेलस्याटले सेप्टेम्बरमा सकिएको तीन महिनाको लागि १४ करोड ५७ लाख डलरको खुद घाटा रिपोर्ट गरेको छ । यो घाटा रकम अघिल्लो वर्षको सोही त्रैमासमा यस्तो घाटा केवल १ करोड ५९ लाख अमेरिकी डलर मात्र थियो।
कम्पनीको व्यापक घाटा मुख्यतया प्रत्यक्ष लागत र पुनर्गठन शुल्कमा वृद्धि हुनुको कारण भएको बताईएको छ। यसमा अघिल्लो त्रैमासिकमा भएको १५ करोड २३ लाख डलर खुद घाटाको तुलनामा एक मामूली सुधार भएको देखिएको छ।
इन्टेलस्याटले रिपोर्ट गरेअनुसार कुल आम्दानी ५२ करोड ६१ लाख अमेरिकी डलर थियो र इन्टेलस्याट एस.ए. को खुद घाटा सेप्टेम्बर ३०, २०२१ मा समाप्त भएको त्रैमासिकमा १४ करोड ५७ लाख डलर थियो।
इन्टेलस्याटका प्रमुख कार्यकारी अधिकारी, स्टीफन स्पेन्ग्लरले भने, “हामीले स्याटेलाइट उद्योगलाई प्रभाव पार्ने सेक्यूलर हेडविन्ड्सको बाबजुद कडा त्रैमासिक क्रमिक परिणामहरू प्रदान गर्यौं। नर्थ अमेरिकी एयरलाइनको यात्रामा निरन्तर रिकभरीबाट सञ्जाल सेवाहरूले लाभान्वित भएका छन् जसको परिणामस्वरूप उच्च इन-फ्लाइट कनेक्टिभिटी आम्दानी देखिएको छ। हाम्रो ग्यालेक्सी ३० स्याटेलाइटमा होस्टेड पेलोड सेवाको सुरुवात र हाम्रो फ्लेक्समोड ल्यान्ड मोबिलिटी म्यानेज्ड सर्भिसेजको निरन्तर मागले हाम्रो सरकारी व्यवसायको लागि सकारात्मक गति सिर्जना गर्यो।”
प्रकाशित: २१ कार्तिक २०७८, आईतवार
