काठमाडौं ।
मेटामा पुन: ब्रान्डिङ्ग गर्ने फेसबुकको योजनाले सामाजिक सञ्जाललाई थप २ करोड डलर खर्च गराउन सक्ने देखिएको छ। मेटा पीसीका संस्थापकहरूले कम्पनीलाई तिनीहरू त्यो मूल्यमा ट्रेडमार्क र नाम हस्तान्तरण गर्न इच्छुक भएको बताएको एप्पल इन्साइडरले रिपोर्ट गरेको छ।
अक्टोबरको अन्त्यमा, फेसबुकले फेसबुक र यसको अन्य व्यवसायहरू नियन्त्रण गर्ने छाता कम्पनीको रूपमा आफ्नो नाम ‘मेटा’मा परिवर्तन गरेको घोषणा गर्यो। रिब्रान्ड घोषणा गरे पनि, कम्पनीले यसलाई सहज संक्रमणको लागि आवश्यक सबै कुरा मिलाउन नसकेको देखिएको छ।
कस्टमाइज (अनुकूलन) पीसी निर्माता मेटाका संस्थापकहरूले अगस्ट २३ मा नाममा ट्रेडमार्कको लागि निवेदन दायर गरेका थिए । जसमा कम्प्युटर-सम्बन्धित सामानहरू र सेवाहरू, वरिपरीका सामग्रीहरू, सर्भरहरू, नेटवर्किङ उपकरणहरू, नोटबुकहरू, ट्याब्लेटहरू, र कम्पोनेन्टहरू समावेश गरिएको छ।
फेसबुक मेटामा सर्ने कुनै पनि अफवाहहरू वास्तविकतामा आउनु अघि नै यो निवेदन परेको थियो।
मेटा पीसीका सह-संस्थापक जो डार्जर र ज्याक शटले टिएमजीसँग कुरा गर्दैकम्पनी एक वर्षदेखि सञ्चालन भइरहेको तर ट्रेडमार्क आफैं फाइल गर्न अगस्टसम्म पर्खिएको बताएका थिए।
ट्रेडमार्कको लागि निवेदन दिएपनि अझै मेटा पीसीलाई प्रदान गरिएको छैन, तर यसले आफूलाई पुन: ब्रान्डिङको लागत कभर गर्न २ करोडको लागतमा सामाजिक सञ्जाललाई नाम छोड्न इच्छुक रहेको बताएको छ।
मेटा पिसीलेयो पैसा पाउँछ कि पाउँदैन अर्को कुरा हो । तर यस विषयमा परिचित स्रोतले बताएअनुसार फेसबुकले आफ्नो लागि “मेटा” ट्रेडमार्क प्रयोग गर्न आवश्यक अधिकार छ भन्ने विश्वास गरेको छ।
यदि मेटा पीसीले भविष्यमा ट्रेडमार्क सुरक्षित गर्न व्यवस्थापन गरेको खण्डमा यो ट्रेडमार्क सामाजिक सञ्जालले प्राप्त गर्नको लागि अझ महँगो हुन सक्छ।
यसैबिच मेटा पीसीले सामाजिक सञ्जालको पुन: ब्रान्डिङ घोषणाबाट केही फाइदा लिइरहेको छ। यसको सामाजिक सञ्जाल फलोअरहरूको संख्या पछिल्लो समयमा ५ हजार प्रतिशतले बढेको छ, जसले थप पीसी बिक्रीमा परिणाम ल्याउन सक्छ।
प्रकाशित: १७ कार्तिक २०७८, बुधबार
