काठमाडौं ।
गुगलले छिटो र सस्तो इन्टरनेटको पहुँच सुनिश्चित गर्न आगामी पाँच बर्षमा अफ्रिकामा १ अर्ब डलर लगानी गर्ने योजना बनाएको छ। कम्पनीले सो महाद्वीपको डिजिटल रूपान्तरणलाई समर्थन गर्न स्टार्टअपलाई सहयोग पुर्याउने उल्लेख गरेको छ।
अमेरिकी टेक कम्पनी अल्फाबेट इंकको एकाइले एक भर्चुअल कार्यक्रममा अफ्रिका लगानी कोषको घोषणा गरेको छ, जसको माध्यमबाट यसले स्टार्टअपमा ५ करोड डलर लगानी गर्ने घोषणा गर्यो । उनीहरुलाई आफ्ना कर्मचारीहरु, सञ्जाल र टेक्नोलोजीहरुमा पहुँच प्रदान गरिने बताईएको छ।
यसका साथै गैर नाफामुखी संस्था किवाको सहयोगमा गूगलले घाना, केन्या, नाइजेरिया र दक्षिण अफ्रिकाका साना व्यवसायीहरु र उद्यमीहरुलाई कोभिड १९ बाट उत्पन्न आर्थिक कठिनाईबाट पार पाउन १ करोड डलर न्यून ब्याजमा ऋण उपलब्ध गराउने छ।
“आज म पाँच बर्षको अवधिमा १ अर्ब डलर लगानीको माध्यमबाट महाद्वीपको लागी हाम्रो प्रतिबद्धता पुष्टि गर्नको लागी उत्साहित छु । अफ्रिकाको डिजिटल रूपान्तरणलाई समर्थन गर्नको लागी सुधारिएको कनेक्टिभिटीदेखि स्टार्टअपमा लगानीको लागी एक पहल समावेश गर्दछ,” गूगल र अल्फावेटका सीईओ सुन्दर पिचाईले भने।
प्रकाशित: २१ आश्विन २०७८, बिहीबार
