काठमाडौं ।
माइक्रोसफ्टका प्रमुख कार्यकारी सत्य नाडेलाले ट्रम्प ह्वाइट हाउसको दबाबमा टिकटक किन्ने प्रस्तावित सम्झौतालाई “अनौठो कुरा” भनेका छन्।
सन् २०२० अगस्टमा, जब अमेरिकी राष्ट्रपति डोनाल्ड ट्रम्पले टिकटकलाई प्रतिबन्ध लगाउने धम्की दिए, चिनियाँ भिडियो एपको मालिक बाइटडान्सले एक सम्भावित साझेदारको रूपमा माइक्रोसफ्टलाई सम्पर्क गरेको थियो।
यो योजना अमेरिकी राष्ट्रिय सुरक्षाको लागी एक खतराको चिन्तामा ब्यापारको अमेरिकी भाग बेच्नको लागी थियो।
अन्ततः टिकटकले प्रतिद्वंद्वी ओर्याकललाई छनौट गर्यो तर त्यो सम्झौता पनि कहिल्यै भएन्।
कोड कन्फ्रेन्समा टेक पत्रकार कारा स्विशरसँगको एक अन्तर्वार्तामा, नडेलाले स्वीकार गरे कि उनलाई “एक किसिमको चासो” थियो जब टिकटकले उनीसँग सम्पर्क गरेको थियो।
“टिकटक “एक रोचक उत्पादन” र माइक्रोसफ्टको लागी एक राम्रो फिट थियो किनकि यो एक सामाजिक, क्लाउड आधारित सेवा हो र यसमा एआईको उपयोग गरीएको थियो,” उनले भने।
सम्भावित साझेदारीको पृष्ठभूमि यो थियो कि तत्कालीन राष्ट्रपति ट्रम्पले चिनियाँ स्वामित्वको एपलाई आफ्नो अमेरिकी व्यापार बेच्न वा बन्द गर्न १५ सेप्टेम्बर २०२० को समयसीमा दिएका थिए।
त्यो समयसीमा भन्दा एक दिन अगाडी, माइक्रोसफ्टले खुलायो कि कम्पनीलाई किन्नको लागी उसको प्रस्ताव अस्वीकार गरिएको थियो।
अन्त्यमा, टिकटकले ओर्याकल र वालमार्टसँग सम्झौता गर्यो। तर ट्रम्पले पद छोडेसँगै सो सम्झौता कार्यान्वयनमा आएन् ।
नाडेलाले त्यस समयको बारेमा केहि थप विवरणहरु सार्वजनिक गरे, जसमा राष्ट्रपति ट्रम्पले “उनी त्यहाँ पुग्न के प्रयास गरिरहेछन् भन्ने बारेमा एक विशेष दृष्टिकोण थियो, र त्यसपछि छोडियो।”
प्रशासनको आवश्यकताहरु “अहिलेको अहिले गायब भयो”, उनले थपे।एजेन्सीहरु
प्रकाशित: १२ आश्विन २०७८, मंगलवार
