काठमाडौं ।
स्मार्टफोन सेन्सर, जो जीपीएस प्रणालीमा प्रयोग गरीन्छ, यसले कुनै एक व्यक्तिले गाँजा वा भांग उपभोग गरेपछि नशामा छ कि छैन निर्धारण गर्नको लागी एक तरीका हुन सक्ने देखिएको छ।
यो जानकारी रटगर्स इन्स्टिट्यूट फर हेल्थ, हेल्थ केयर पोलिसी र एजिङ्ग रिसर्चद्धारा गरिएको अध्ययनमा प्रकट भएको छ। जर्नल ड्रग एण्ड अल्कोहल डिपेन्डेन्समा प्रकाशित यस अध्ययनमा स्मार्टफोन सेन्सर डाटाको उपयोग लागुऔषधको लतको पहिचान गर्नको लागी गरिएको थियो। स्मार्टफोन सेन्सर डाटाको संयोजनसंग ९० प्रतिशत सही पाईएको छ।
विश्लेषणको अनुसार, दिनको समय र साताको एक दिनमा गाँजा वा भांगको नशाको आत्म रिपोर्टिङ्ग अर्थात नशा गर्नेले नै गरेको जाँच रिपोर्टमा ६० प्रतिशत सटीकता थियो, समय सुविधाहरु र स्मार्टफोन सेन्सर डाटाको संयोजनबाट गाँजा वा भांगको नशा ९० प्रतिशत सटीकतासंग पत्ता लगाउन सक्छ।
सो अनुसन्धान विषयका लेखक तथा मनोचिकित्साका प्राध्यापक टेमी चुङ्ग, रटगर्स इन्स्टिट्यूट फर हेल्थ, हेल्थ केयर पोलिसी र एजिङ्ग रिसर्चमा सेन्टर फर पपुलेशन बिहेवियरल हेल्थका निर्देशक हुन् । उनकाअनुसार एक व्यक्तिको फोनमा सेन्सरको उपयोग गरेर, हामी थाहा पाउन सक्छौं कि कुनै व्यक्ति कतिबेला लागुऔषधको नशाको अनुभव गरीरहेको छ र कहिले र कहाँ यो औषधि सम्बन्धी हानि कम गर्न सकिनेछ। उनकाअनुसार यसको हानि कम गर्नका लागि यसले एक संक्षिप्त हस्तक्षेप प्रदान गर्न सक्छ।
गाँजा वा भांगको नशा बिस्तारै प्रतिक्रियात्मक समयसंग सम्बन्धित छ, जसले काम वा स्कूलमा प्रदर्शनमा असर पार्दछ वा ड्राइभिङ्ग व्यवहार प्रभावित गर्दछ जसले चोट वा मृत्यु हुनसक्छ।
यसरी भयो परीक्षण…
जर्नल ड्रग एण्ड अल्कोहल डिपेन्डेन्समा प्रकाशित अध्ययनको लागी, शोधकर्ताहरुले युवा वयस्कहरुबाट संकलित दैनिक डाटाको विश्लेषण गरेका छन् जसले प्रति हप्ता कम्तीमा दुई पटक गाँजा वा भांग उपभोग गरेको रिपोर्ट गरेका छन्।
उनीहरूले फोन सर्वेक्षणका लागि, भांगको प्रयोगको आत्म-परीक्षण रिपोर्ट र लगातार फोन सेन्सर डाटाको परीक्षण गरीरहेका थिए। एजेन्सीहरुका साथ
*हेडलाइन सम्पादित
प्रकाशित: १२ आश्विन २०७८, मंगलवार
