काठमाडौं ।
गुगलले आधिकारिक रूपमा न्यूयोर्क शहरको सेन्ट जोन्स टर्मिनल सम्पत्ति किन्ने योजना बनाएको छ। क्यालिफोर्निया बाहिर “हडसन स्क्वायर” क्याम्पस बाहिर यसको सबैभन्दा ठूलो कार्यालय निर्माण गर्ने योजनामा रहेको छ।
सर्च इन्जिन कम्पनीले म्यानहट्टनमा सेन्ट जोन्स टर्मिनल “हडसन स्क्वायर” को रूपमा परिचित हुने भवन भविष्यमा क्याम्पसको लागि किन्ने इच्छा राखेको ९टू५म्याकले उल्लेख गरेको छ।
यो भवन पहिले नै गुगलले ५५० वाशिङ्गटन सेन्टमा लीजमा लिएको छ। यो सम्झौता अर्को बर्षको पहिलो त्रैमासिकमा सम्पन्न हुने तय भएको छ।गुगलको भनाइअनुसार क्याम्पस १.७ मिलियन वर्ग फुटको स्थान हुनेछ जुन बिक्री र साझेदारी टोलीहरुको लागी गुगलको ग्लोबल बिजनेस अर्गनाइजेसनको लागी न्यूयोर्क मुख्यालय रूपमा काम गर्दछ।
कम्पनीले सो कार्यालय भवन किन्नका लागि २ अर्ब १० करोड अमेरिकी डलर रुपैयाँ खर्च गर्ने भएको छ।
समस्याहरुको बारेमा सम्बोधन गर्दै, गुगलले कसरी यस कदमले कामदारहरुलाई अफिसमा फर्कने उनको योजनालाई असर गर्छ भनेर बताएको छ । “व्यक्तिगत रूपमा एक साथ सहयोग र समुदाय निर्माण गर्नको लागी हाम्रो भविष्यको एक महत्वपूर्ण हिस्सा रहनेछ।” गुगलले भनेकोछ ।
गूगलले नयाँ भवन कार्बन उत्सर्जनको लागि १०० प्रतिशत वातावरण मैत्री हुने र एक “अत्यधिक दिगो, अनुकूलनीय र जोडिएको भवन” बन्नको लागी पुन: कल्पना गरिने बताएको छ।
पछिल्लो दिनमा टेककम्पनीहरुलाई कर्मचारी कार्यालयमा फिर्ता बोलाउन निकै कठिन भएको छ। गुगलले पनि त्यो अनुभव गरिरहेको छ । मानिसहरु वर्क फ्रम होममा अभ्यस्त भईरहँदा नयाँ कार्यालयबाट कर्मचारीहरुलाई आकर्षित गर्ने योजनामा गुगल रहेको छ । अमेरिकाको न्यूयोर्कमा गुगलका १२ हजार कर्मचारीहरु कार्यरत छन् ।
प्रकाशित: ६ आश्विन २०७८, बुधबार
