पकेट क्यालकुलेटरको आविष्कारक क्लाइभ सिंक्लेयरको ८१ वर्षमा निधन

Technology Khabar ३ आश्विन २०७८, आईतवार

काठमाडौं ।

आविष्कारक सर क्लाइभ सिंक्लेयर, जसले पर्सनल कम्प्युटरलाई लोकप्रिय बनाएका थिए र पकेट क्यालकुलेटरको आविष्कार गरेका थिए, उनको ८१ वर्षको उमेरमा लण्डनमा आफ्नै घरमा निधन भएको छ।

एक दशकभन्दा बढी समयदेखि क्यान्सर भएका उनको बिहीबार बिहान निधन भएको उनकी छोरी बेलिन्डा सिन्क्लेयरले बताएको बीबीसीले जनाएको छ ।

सर क्लाइभको उत्पादनहरुमा कम्प्यूटरको ज‍ेडएक्स श्रृंखला र उनको दुर्भाग्यपूर्ण सी५ इलेक्ट्रिक भेहिकल शामिल थियो।

उनी अझै पनि गत हप्ता आफ्नो आविष्कारमा काम गरीरहेका थिए किनकि उनी त्यही गर्न मनपराउ थिए”,छोरी सिन्क्लेयरले भनिन्।

उनको ज‍ेडएक्स स्पेक्ट्रम कम्प्यूटरले जनताको लागी किफायती व्यक्तिगत कम्प्युटिङ्ग ल्याएको थियो र विश्वभरि लाखौं संख्यामा बिक्री भएको थियो।

उनले सन् १९८५ मा इलेक्ट्रिक भेहिकल निर्माण गरेपनि त्यसको सिमित रेन्जका कारण सो वित्तीयरुपमा असफल भएको थियो ।

उनका तीन छोराछोरीहरु, पाँच नातीनातिनीहरु र २ पनाती छन् ।

प्रकाशित: ३ आश्विन २०७८, आईतवार

तपाइको प्रतिक्रिया