Technology Khabar ३ आश्विन २०७८, आईतवार
काठमाडौं ।
बोस्टन डायनामिक्सको रोबोट डग ‘स्पट’ ले हालैमा एउटा नयाँ जागिर पाएको छ। कार निर्माता कम्पनी हुण्डाईले दक्षिण कोरियाको एक किया उत्पादन संयन्त्रमा रोबोटको परीक्षण सुरु गरेको छ जहाँ यो कम्पनीले प्रयोग गर्ने उपकरणहरु मध्ये एक हो।
यसले सो फ्यासिलिटीमा श्रमिकहरुको लागी सुरक्षित छ वा छैन भनेर अनुगमन गर्न सहयोग गर्दछ।
हुन्डाईले बोस्टन डायनामिक्समा गएको जून महिनामा बहुमत शेयर प्राप्त गरेपछि यो पाइलट कार्यक्रमले दुई कम्पनीहरुको बीच पहिलो सार्वजनिक सहयोगको प्रतिनिधित्व गर्दछ ।
हालसालै हुन्डाईले रिलीज गरेको भिडियोमा स्पट रोबोटलाई देख्नुहुनेछ र यो रोबोट हामीले विगतका क्लिपहरुमा देखेका भन्दा फरक देखिन्छ। यसको कारण यो हो कि अटोमेकरको रोबोटिक्स ल्याबले यसमा सुधार गरिएको अत्यवाश्यक एक ब्याकप्याक जडान गरेको छ । यसका साथै यसमा थर्मल क्यामरा, लाईडार (LiDAR) र अतिरिक्त एआई कार्यहरुलाई संभाल्नको लागी अधिक शक्तिशाली कम्प्युटिङ्ग संसाधनहरु सहित प्रयोग गरेको छ।
“एआई प्रोसेसिङ्ग सेवा एकाई”ले स्पटले मानिसहरु पत्ता लगाउन, तापमानको निगरानी र आगोको खतरा जाँच गर्न अनुमति दिन्छ।
यसका लागि एक सुरक्षित वेबपेजमार्फत कारखानाका कर्मचारीहरुलाई रोबोटलाई टाढाबाट निगरानी गर्नको लागी अनुमति दिन्छ, र यदि उनीहरु कुनै फ्यासिलिटीको एक क्षेत्रलाई नजिकबाट निरीक्षण गर्न चाहन्छन् भने नियन्त्रणमा लिन सक्नेछन्।
हुन्डाईका अनुसार, पाइलट कार्यक्रमले स्पटको प्रभावकारितालाई रात्रीकालीन सुरक्षा गश्ती रोबोटको रुपमा मूल्याङ्कन गर्न मद्दत पुर्याउनेछ । एजेन्सी
प्रकाशित: ३ आश्विन २०७८, आईतवार
