काठमाडौं ।
गुगलको पहिलो फोल्डेबल स्मार्टफोन निर्माण भइरहेको र केही समयपछि सारवजनिक हुन सक्ने चर्चा बाहिरिएको छ।
पहिलोपल्ट सन् २०१९ मा एक ब्लगरले कम्पनीको आउँदै गरेको फोनको नाम गुगल पिक्सेल फोल्ड रहेको पत्ता लगाएका थिए। त्यही डिभाइस अब भने सार्वजनिक हुनेतिर गइरहेको बुझिएको हो।
हालै जीएसएमएरिनाका डेचिड नारान्जोमार्फत् बाहिरिएको एक जानकारी अनुसार यो डिभाइस यसै वर्षको अन्तिम त्रैमासमा सार्वजनिक हुन सक्ने प्रबल सम्भावना रहेको छ। नारान्जो डिस्प्ले आपूर्ति श्रृङ्खला कन्सल्टेन्टका वरिष्ठ निर्देशक हुन्।
लीक अनुसार यो डिभाइसमा एलटीपीओ ओएलईडी डिस्प्ले रहने पनि बुझिएको छ।
नारान्जोले यो प्रविधि प्रयोग भएका र भविष्यमा आउँदै गरेका स्मार्ट डिभाइसहरुको सूची ट्विटरमा राखेका थिए जसमा गुगल पिक्सेल फोल्ड पनि परेको छ।
With the announcement of iPhone 13 Pro and iPhone 13 Pro Max having a variable refresh rate up to 120Hz marks 20 models that are current and rumored that use LTPO OLED panels from SDC. pic.twitter.com/5wlbsl2HF1
— David Naranjo (@DSCCDave) September 16, 2021
प्रकाशित: १ आश्विन २०७८, शुक्रबार
