काठमाडौं ।
गुगल म्याप्सका साथमा अहिले यति सजिलो छ कि तपाईँ सजिलैसंग कुनै पनि शहरको: कुनै पनि कुनामा: कुनै पनि ठेगाना पाउन सक्नुहुन्छ। सो स्थान पुग्न कति समय लाग्छ र कुन बाटोबाट जान सकिन्छ भन्ने जानकारी हिँड्नु भन्दा पहिले नै थाहा हुन्छ।
कुन सडक जाम हुनेछ, कुन सडक खुला हुनेछ, मानिसहरु आफ्नो फोनमा एक सेकेण्डमै जान्न सक्छन्। यो सबै म्याप्सको कारण सम्भव भएको छ। अहिले सजिलै सही ठेगानामा पुग्नको लागी धेरैजसो ड्राइभ गुगल म्याप्सको उपयोगबाट गरिन्छ।
म्याप्सको आईडिया सुन्दर पिचाईको
म्याप्सको विचार सबैभन्दा पहिले त्यसबेलाका गुगल सीईओ सुन्दर पिचाईलाई आएको थियो। सुन्दर पिचाई हाल अल्फाबेट इंकका सीईओ हुन्। यो सम्भव छ कि तपाईँलाई अल्फाबेटको बारेमा थाहा छैन। यदि हो भने, यो एक पटक गुगल गर्नुस् ! वा हामी नै तपाईँलाई बताउने छौं कि गुगल जस्तै धेरै कम्पनीहरु अल्फाबेटको सहायक कम्पनी हुन्। यसको मतलब यो हो कि गुगल अल्फाबेटको एक उत्पादन हो।
सुन्दर पिचाई अमेरिकामा बस्छन्। कुरा सन् २००४ को हो। उनका एक परिचितले उनको परिवारलाई खाना खानको लागी घरमा बोलायो। सुन्दर आफ्नी श्रीमतीसँग सो स्थानमा जानुपर्ने हुनाले, उनले आफ्नी श्रीमतीसँग योजना बनाए। सुन्दरले बिहान अफिस जाने र त्यसपछि बेलुका उनी सिधै परिचितको घरमा डिनरका लागि जाने बताए। उनले आफ्नी श्रीमतीलाई पनि घरबाट सिधै त्यहाँ पुग्न आग्रह गरे। यसको मतलब श्रीमती घरबाट सीधै डिनरको लागी जानु पर्नेथियो र सुन्दर पिचाई सिधै अफिसबाट डिनरको लागी पुग्नुपर्ने थियो।
बेलुका ८ बजे डिनर कार्यक्रम थियो। सुन्दर पिचाईकी पत्नी अञ्जली आफ्नो कारमा खाना खान राती आठ बजे सो घरमा पुगिन्। उता सुन्दर पिचाई पनि अफिसबाट बाहिरिए, तर उनी बिचमै बाटो हराए। जब उनी त्यहाँ पुगे त्यसबेला लगभग १० बजेको थियो। जब पिचाई त्यहाँ पुगे, उनकी श्रीमती त्यहाँबाट खाना खाएर गई सकेकी थिईन्।
श्रीमतीसँग झगडा भएपछि अफिसमा रात बिताए
सुन्दर पिचाई पनि त्यहाँबाट केहि नखाई आफ्नो घर गए। जब उनी घर पुगे, उनकी श्रीमती अंजलीले उनीसँग झगडा गर्न थालिन्, किनकि पिचाई समयमै पुग्न सकेनन् र उनी अपमानित भईन्। त्यसबेला अञ्जलीको खराब मुड देखेर सुन्दर पिचाईले फेरी अफिस फर्कनु उचित ठाने।
अब सुन्दर फिर्ता कार्यालय गए र पुरै रात त्यहाँ बिताए। उनले रातभर एउटै कुरा सोच्दै थिए-यदि मैले मेरो बाटो गुमाएँ भने अरु कतिधेरै मानिसहरु हरेक दिन आफ्नो बाटो गुमाउने गर्छन होला। उसले सोचे कि यदि नक्शा उसको पकेटमा थियो र सही दिशा पाएको थिए भने उनले आफ्नो बाटो गुमाउने थिएनन्।
भोलिपल्ट बिहान सुन्दर पिचाईले आफ्नो सम्पूर्ण टिमलाई बोलाएर सबैको अगाडि एउटा नक्सा बनाउने विचार राखे। यो विचार सुनेर टोलीले हात उठाईदियो। टोलीले उनको विचारमा विश्वास गरेनन्, तर लगभग दुई दिनको लागी टिमका साथमा बैठकहरु आयोजित गरियो र उनीहरुलाई एक उत्पादन डिजाइन गर्नको लागी आश्वस्त गरियो जसले जनतालाई बाटो देखाओस्।
अब मानिसहरु उनीहरुले देखाएको बाटोमा हिँड्छन्
सुन्दर पिचाई र उनको टिमले कडा मेहनत गरे र सन् २००५ मा गुगल म्याप्स बनाएर अमेरिकामा सार्वजनिक गरे। अर्को बर्ष यो २००६ बेलायतसहित अन्य देशहरुमा उपलब्ध भयो। र अब तपाईँलाई अहिले थाहा नै छ कि उनीहरुद्वारा बनाईएको म्याप्सले सारा संसारलाई सही बाटो देखाउने काम गरीरहेको छ।
एक तथ्यांककाअनुसार, विश्वमा हरेक सातौं व्यक्ति गुगल म्याप्सको उपयोग गर्दछ। एजेन्सीहरुका साथ
प्रकाशित: १८ भाद्र २०७८, शुक्रबार
