Technology Khabar ९ भाद्र २०७८, बुधबार
काठमाडौं ।
एक सामसङ ग्यालेक्सी स्मार्टफोन सोमबार सियाटलमा अलास्का एयरलाइन्सको उडानभित्रै आगो लागेको छ। सन् २०१६ मा ग्यालेक्सी नोट ७ डिभाइस पड्किएको जस्तै घटनालाई यसले स्मरण गराएको थियो र यसमा हवाईजहाजबाट यात्रुहरुलाई बाहिर निकालिएको थियो ।
सिएटल टाइम्स रिपोर्टकाअनुसार सामसङको ह्यान्डसेट ग्यालेक्सी ए२१ (Galaxy A21), अलास्का एयरलाइन्स उडान ७५१ मा क्याबिनमा नै आगो लागेको थियो । सो प्लेन न्यू ओर्लिन्सबाट सिएटल-टाकोमा अन्तर्राष्ट्रिय विमानस्थलमा अवतरण भएको थियो । सिएटल पोर्टका प्रवक्ता पेरी कूपरले, एक बयानमा सो डिभाइसको पहिचान उल्लेख गरिन्।
“धेरै अनुसन्धान पछि, म तपाईँहरुलाई भन्न सक्छु कि फोन पहिचान गर्न नसकिने गरि जलेको थियो,” कूपरले भनिन्,”जे होस्, हाम्रो सिएटल पुलिस अधिकारीहरुसंगको एक कुराकानीमा यात्रीले सो फोन सामसंग ग्यालेक्सी ए२१ भएको बताएका थिए।”
अलास्का एयरलाइन्सका कर्मचारीहरुले फोनबाट धुवाँ आउनबाट रोक्न” आगो निभाउने उपकरण र ब्याट्री कन्टेन्मेन्ट ब्यागको प्रयोग गरेका थिए। अलास्का एयरलाइन्सका प्रवक्ताकाअनुसार विमानको क्याबिनको अवस्थाले इभ्याकुएसन स्लाइडको प्रयोग गर्नुपर्ने अवस्था आएको थियो, दुई यात्रुहरुलाई पछि एक स्थानीय अस्पतालमा उपचार गरिएको एप्पल इन्साइडरले उल्लेख गरेको छ।
सिएटल-टाकोमा अन्तर्राष्ट्रिय बिमानस्थलको ट्वीटअनुसार, घटनाको समयमा कुनै गम्भीर चोटपटक वा क्षति भएको थिएन। कुल १२८ यात्रु र छ जना चालक दलका सदस्यहरुलाई बसबाट एयरपोर्टको टर्मिनलमा लगिएको थियो।
ब्याट्रीमा आगो र विष्फोटको व्यापक रिपोर्ट आएपछि सामसङले आफ्नो ग्यालेक्सी नोट ७ डिभाइस विश्वव्यापी रिकल गरेको पाँच बर्ष भैसकेको छ। यस्तै एउटा घटनाले अक्टोबर २०१९ मा दक्षिणपश्चिम एयरलाइन्सको एउटा उडानलाई निकालेको थियो।
ग्यालेक्सी ए२१ मा लागेको आगो एक अलग घटना हो वा एक निर्माण दोष हो भन्ने हाल अस्पष्ट भएको बताईएको छ।
प्रकाशित: ९ भाद्र २०७८, बुधबार
