काठमाडौं ।
गत वर्ष चीनबाट उत्तरी भियतनाममा सारिएको गुगल स्मार्टफोनको उत्पादन कोभिड-१९ को नियम तथा प्रतिबन्धका कारण फेरि चीनमै हुने भएको छ।
निक्केइको एक रिपोर्ट अनुसार एसिया क्षेत्रका सरकारहरुले हाल चलिरहेको कोभिड-१९ महामारीका कारण आफ्ना सीमाक्षेत्रमा कडाइ गरेका कारण गुगलले आफ्नो उत्पादन पुन: चीनमा गर्नुपर्ने भएको हो।
रिपोर्टले पिक्सेल ५ भियतनाममै उत्पादन हुनुपर्ने तर यात्रा प्रतिबन्ध तथा भियतनाममा सीमित इन्जिनियरिङ स्रोतका कारण यो योजना कार्यान्वयन हुन नसकेको जनाएको छ।
त्यसैले आउँदै गरेको पिक्सेल ६ तथा ६ प्रो चीनको शेन्जेनमा रहेको प्लान्टमा उत्पादन हुनेछ।
प्रकाशित: ६ भाद्र २०७८, आईतवार
