काठमाडौं ।
माइक्रोसफ्टले एक नियामक फाइलको अनुसार सफ्टबैंक समर्थित ओयोमा ५० लाख डलर लगानी गरेको छ। यो लगानी भारतीय होटल चेनको ९.६ अर्ब डलर मूल्यांकनका साथ सार्वजनिक शेयर निष्कासन योजना सार्वजनिक हुनुभन्दा पहिले नै गरिएको हो ।
कम्पनी रजिस्ट्रारमा बुझाईएको जानकारीअनुसार ओराभल स्टेज प्राली (Oravel Stays Pvt Ltd (Oyo) गत जुलाई १६ मा इक्विटी शेयर र रूपान्तरित संचयी प्राथमिकता शेयरको एक निजी प्लेसमेंटमा माइक्रोसफ्टलाई ५० करोड डलर बराबरको शेयर जारी गर्न अनुमोदन गरीएको थियो ।
गत महिना माइक्रोसफ्टले ९ अर्ब डलरको मूल्यांकनमा ओयोमा लगानी गर्न वार्तामा रहेको जानकारी आएको थियो।
होटल एग्रीगेटर, जसमा जापानी समूह सफ्टबैंकको ४६ प्रतिशत सेयर छ, कोभिड १९ महामारीको कारणले बिदा, लागत कटौती र घाटाको महिनाहरु सहन बाध्य भएको छ।
जुलाईको शुरुमा, ओयोका संस्थापक र प्रमुख कार्यकारी अधिकारी रितेश अग्रवालले फर्म एक सम्भावित सार्वजनिक सेयर निस्कासन बारे विचार गर्ने बताएका थिए तर समयसीमा प्रदान गरेको छैन् ।
ओयो भारतको सबैभन्दा मूल्यवान स्टार्टअप मध्ये एक हो । यसले आक्रामक रुपमा हालैका बर्षहरुमा नेपालसहित दक्षिण पूर्व एशिया, युरोप र अमेरिका सहित धेरै बजारहरुमा सेवा विस्तार गरेको छ।
तर हालैको कोरोनाभाइरसको महामारीले कम्पनीको करिब ६० प्रतिशत व्यापार गुमेको बताईएको छ। एजेन्सीका साथ
प्रकाशित: ५ भाद्र २०७८, शनिबार
