ग्लोबल आईएमई बैंकले आफ्नो कोर बैंकिङ सिस्टम अपग्रेड गर्दै

काठमाडौं ।

ग्लोबल आईएमई बैंकले आफ्नो कोर बैंकिङ सिस्टमलाई स्तरोन्नति गर्ने भएको छ । बैंकलले हालको सिस्टमलाई अपग्रेड गरेर फिनाकल भर्सन १०.२.२५ सञ्चालनमा ल्याउने भएको छ।

बैंकले एक सूचना प्रकाशित गर्दै यस प्रायोजनका लागि शुक्रबार दिउँसो ३ बजेदेखि सिस्टम अपग्रेडको कार्य सम्पादन हुने र सोमबारदेखि फिनाकलको नयाँ संस्करणबाट कारोबार सुचारू हुने जानकारी दिएको छ।

सिस्टम अपग्रेडको समयमा ग्राहकको मागलाई ध्यानमा राखी इन्टरनेट बैंकिङ, मोबाइल बैंकिङ र एटीएमबाट कारोबार गर्न सकिने बैंकले जनाएको छ।

बैंकले जारी गरेको सूचनामा भनिएको छ, ‘ग्राहकको मागलाई ध्यानमा राखी सिस्टम अपग्रेडको समयमा इन्टरनेट बैंकिङ, मोबाइल बैंकिङ र एटीएमबाट कारोबार गर्न सकिनेछ। सिस्टम अपग्रेडको समयमा यस्ता माध्यमबाट हुने कारोबारमा केही समस्या देखिएमा सो का लागि क्षमाप्रार्थी छौं ।’