काठमाडौं ।
रिलायन्स जियोले आफ्नो ४४ औं ‘रिलायन्स एजीएम २०२१’ मा आफ्नो एन्ट्री-लेभलको एन्ड्रोइड स्मार्टफोन जियोफोन नेक्स्टको जानकारी दिएको थियो ।
कम्पनीले यो स्मार्टफोन गुगलसँगको सम्झौता अनुसार सार्वजनिक गरेको हो। यो फोनको घोषणा संगै, कम्पनीले जियोफोन नेक्स्ट (JioPhone Next) को डिजाइनको खुलासा गरेको थियो। योसंगै, यो पनि स्पष्ट गरीएको थियो कि सस्तो एन्ड्रोइड स्मार्टफोन जियोफोन नेक्स्ट भारतमा सेप्टेम्बर १० मा बजारमा आउनेछ।
यद्यपि यसको विशेषताहरु आधिकारिक रुपमा खुलाइएको छैन। तर अब जहाँ यसको लन्चिङ्गको लागी केहि दिन मात्र बाँकी छ र यसको केहि विशेष फिचरहरुको जानकारी बाहिर आएको छ।
एक्सडिए डेभलपर्सको रिपोर्ट अनुसार जियोफोन नेक्स्ट भारतमा मात्र नभई यो विश्वव्यापी रुपमा सबैभन्दा सस्तो एन्ड्रोइड स्मार्टफोन हुनेछ। यो एन्ड्रोइड ११ गो एडिशनमा उपलब्ध हुनसक्नेछ र प्रयोगकर्ताहरुले यसमा एचडी प्लस डिस्प्ले पाउनेछन्। साथै, फोटोग्राफीको लागी एक एकल रियर क्यामरा सेटअप दिइनेछ। रिपोर्टकाअनुसार यसमा ७२०x१,४४० पिक्सल स्क्रीन रिजोलुशन हुन सक्नेछ।
यो फोनमा क्वालकम क्यूएम २१५ चिपसेट प्रस्ताव गरीनेछ। यसमा ६४ बिट, क्वाड कोर मोबाइल प्रोसेसरका साथ क्वालकम एड्रेनो ३०८ जीपीयू दिन सकिनेछ। यो स्मार्टफोनको मूल्य ४ हजार भारतीय रुपैयाँ अर्थात ६,४०० रुपैयाँ भन्दा कम हुन सक्छ।
यो फोन लो इन्ड डिजाइनको साथ प्रस्ताव गरीनेछ र प्रयोगकर्ताहरुलाई यसमा निर्मित क्वालकम स्न्यापड्रागन एक्स५ एलटीई मोडेम हुनसक्नेछ। फोनमा ब्लूटूथ ४.१, जीपीएस, १०८० पिक्सेल भिडियो रेकर्डिङ्ग र एलपीडीडीबर३ कनेक्टिभिटी सुविधाहरुको रूप मा जियोफोन नेक्स्ट हुनेछ ।
रिपोर्टले खुलाएअनुसार एन्ट्री-लेवल एन्ड्रोइड स्मार्टफोन जियोफोन नेक्स्टमा फोटोग्राफीको लागी १३ एमपी रियर क्यामरा हुनेछ भने सेल्फीको लागी, प्रयोगकर्ताहरुलाई यसमा ८ मेगापिक्सेलको फ्रन्ट क्यामरा प्राप्त हुनेछ। यो मात्र होइन, पूर्व स्थापित एपहरु पनि फोनमा उपलब्ध हुनेछ। यस बाहेक, स्न्यापच्याट इन्टीग्रेसनका साथमा प्रि इन्स्टल गुगल क्यामरा गो पनि उपलब्ध हुनेछ।
प्रकाशित: ३२ श्रावण २०७८, सोमबार
