काठमाडौं ।
संसदको विकास तथा प्रविधि समितिले सरकारलाई टेलिफोन र इन्टरनेट सेवा भरपर्दो बनाउन निर्देशन दिएको छ।
बुधबार सिंहदरबारमा बसेको समितिको बैठकले सञ्चार तथा सूचना प्रविधि मन्त्रालयलाई टेलिफोन र इन्टरनेट सेवा भरपर्दो बनाउन निर्देशन दिएको हो ।
सो बैठकमा समितिकी सभापति कल्याणी कुमारी खड्काले समितिका सदस्यबाट आएको सल्लाह सुझाव ध्यानमा राख्दै टेलिफोन र इन्टरनेट सेवा चाँडोभन्दा चाँडो भरपर्दो बनाउन मन्त्रालयलाई निर्देशन दिएकी हुन् ।
त्यस्तै समितिले मोबाइलबाट हुने अवैध कार्य रोक्ने प्रक्रिया प्रभावकारीरुपमा कार्यान्वयन गर्न समेत मन्त्रालयको ध्यानाकर्षण गरेको छ।
प्रकाशित: २८ श्रावण २०७८, बिहीबार
