Technology Khabar ११ श्रावण २०७८, सोमबार
काठमाडौं ।
हालै मोटोरोलाको मोटो एज २० र मोटो एज २० प्रो टीना साइटमा देखा परेका छन्। कम्पनीले आगामी अगस्ट ५ लागि सार्वजनिक हुने आधिकारिक मिति तोकिसकेको छ।
कम्पनीले हालै एउटा टिजर जारी गरेको छ जसमा क्यामराको लेन्स देखिएको छ भने यसले फोनको नाम भने तोकेको छैन। पोस्टरका अनुसार यो एउटा विशुद्ध क्यामरा फोन हुनेछ।
यसबाहेक अर्को जानकारी अनुसार हालै गीकबेन्चमा एक्सटी२१४३-१ का नामले देखा परेको फोन एज २० हुनसक्ने साथै थाइल्यान्डको एनटीबीसी वेबसाइटमा देखिएको एक्सटी२१५३-१ यसैको प्रो भर्सन हुनसक्ने अड्कल गरिएको छ।
मोटो एज २० मा बर्लिन मदरबोर्ड राखिएको छ जुन स्न्यापड्रागन ७७८जी चिपसेटको कोडनेम हो। यसमा एन्ड्रोइड ११ अपरेटिङ सिस्टम तथा ८ जीबी र्याम रहनेछ। यस्तै एज २० प्रो को भने विवरण बाहिर आएका छैनन्। तर यसको नाम र फाइभजी इनेबल हुने जानकारी भने पक्का भइसकेको छ।
प्रकाशित: ११ श्रावण २०७८, सोमबार
