जोखिम बढ्दै गएको माहोलमा गुगल क्लाउडद्वारा नयाँ सेक्युरिटी टूल्स सार्वजनिक

काठमाडौं ।

गुगल क्लाउडले मंगलबार निजी र सार्वजनिक क्षेत्रका उपभोक्ताका लागि केही नयाँ सुरक्षात्मक उत्पादनहरु सार्वजनिक गरेको छ।

विश्वव्यापी रुपमा भइरहेको साइबर हमला र यसको जोखिमलाई मधुयनजर गर्दै यो सुरक्षा सामग्रीहरु ल्याइएको बुझिएको छ।

सार्वजनिक क्षेत्रका लागि ल्याइएको नयाँ टूलले एजेन्सीहरुलाई राष्ट्रपति जो बाइडेनको साइबर सुरक्षा कार्यकारी निर्देशन मान्नका लागि सहयोग गर्ने खालको छ।

यसैबीच अरु गुगल क्लाउड उपभोक्ताले अझ बढी स्वतस्फूर्त सुरक्षा प्रणालीमा पहुँचका साथै पालो अल्टो नेटवर्क टेक्नोलोजीले तयार पारेको नयाँ जोखिम पहिचान क्षमता पनि प्राप्त गर्नेछन्।

यो नयाँ उत्पादनमा कोलोनियल पाइपलाईन र्यान्समवयर हमला, सोलरविन्ड्स सफ्टवयर आपूर्ति श्रृङ्खला हमला तथा माइक्रोसफ्ट एक्सचेन्ज सर्भरमा हमलाजस्ता साइबर सेक्युरिटीका नाटकीय सिरिजहरुबाट पाठ सिकेर तयार पारिएका छन्।

गुगल क्लाउडका उपाध्यक्ष तथा क्लाउड सेक्युरिटीका महाप्रबन्धक सुनिल पट्टीले आफूहरुले अन्य प्रडक्टद्वारा समस्या समाधान गर्ने भन्दा पनि क्लाउडमा अदृश्य सुरक्षा संयन्त्र तयार पारेको बताए।

उनका अनुसार अदृश्य सुरक्षा प्रणालीले सुरक्षालाई सहज बनाउँछ।

यसका लागि गुगल क्लाउडले बीटीसँगको साझेदारीमा बजाराम ल्याउन लागेकोफ अटोनोमिक सेक्युरिटी अपरेशन्स नामको टर्नकी सेक्युरिटी प्रणाली सार्वजनिक गर्न लागेको छ।

यसले उपभोक्तालाई यो क्षेत्रकै उत्कृष्ट सेक्युरिटी अपरेशन सेन्टरमा पहुँच पुर्याउन सहयोगका लागि प्रडक्ट, इन्टिग्रेशन, ब्लूप्रिन्ट, टेक्निकल कन्टेन्ट तथा एक्सेलरटर प्रोग्राममा पहुँच उपलब्ध गराउने बुझिएको छ।

एजेन्सीका साथमा