Technology Khabar ३१ असार २०७८, बिहीबार
काठमाडौं ।
गत मे महिनामा घोषणा गरेको ह्वावेले यसको इन्टेल चिपसेट भर्सन हालै बेलयतमा सार्वजनिक गरेको छ।
नयाँ मेटबुक डी १५ मा ११औं जेनेरेशन इन्टेल कोर आई५-११३५जी७ चिपसेट राखिएको छ। योभन्दा अगाडिका ग्लोबर भर्सनमा रेजेन५ ५५००यू वा रेजेन ७ ५७००यू चिपसेटहरु राखिएका थिए।
यो डिभाइसमा समा १५.६ इन्चको १६:९ आस्पेक्ट रेशियोसहितको १९२०x१०८० पिकसेल रेजोल्युशनयुक्त आईपीएस एलसीडी डिस्प्ले दिइएको छ।
यो अल्ट्राबुकमा ८ र १६ जीबी डीडीआर४ डुअल च्यानल र्याम तथा २५६ र ५१२ जीबीको एनभीमी पीसीएलई एसएसडी स्टोरेज अप्शन उलब्ध गराइएको छ।
साथै यसको जीपीयू इन्टेलको आइरिस एक्सई रहेको छ। यसको बडी आल्मुनियमको छ भने कुल तोल १.५६ केजी छ।
इनपुट आउटपुटका हिसाबले यसमा दुई ओटा यूएसबी २.० पोर्ट, एउटा यूएसबी ३.२ पोर्ट, एउटा यूएसबी-सी पोर्ट, एउटा एचडीएमआई इन तथा हेडफोन पोर्ट रहेका छन्।
यसबाहेक पावरका लागि यसमा ४२ वाट आवर क्षमताको ब्याट्री राखिएको छ भने विन्डोज १० बन्डल गरेर आउनेछ।
मेटबुक डी १५ को मूल्य ७५० पाउन्ड तोकिएको छ भने यो डिभाइस ह्वावेको अनलाइन स्टोरमा खरिदका लागि उपलब्ध छ।
आगामी अगस्ट ८ भित्र खरिद गर्नेहरुलाई ह्वावेले यो डिभाइससँगै एउटा ब्याकप्याक, माउस तथा ब्लूटूथ स्पीकरसमेत उपलब्ध गराउने भएको छ।
प्रकाशित: ३१ असार २०७८, बिहीबार
