काठमाडौं ।
लमजुङको बेँसीसहर नगरपालिकाले नगर पालिकाभित्र रहेका सञ्चारमाध्यमलाई अनुदानमा सञ्चारसामग्री उपलब्ध गराएको छ । नगरपालिकाले ६० प्रतिशत अनुदानमा सामग्री दिएको हो ।
नगर पालिकाले ६०/४० को सहलगानीमा सञ्चार माध्यमलाई ल्यापटप उपलब्ध गराएको नगर पालिकाका प्रमुख गुमानसिंह अर्यालले बताए ।
उनका अनुसार नगरपालिकाले चालू आर्थिक वर्षको बजेटमा स्थानीय सञ्चार माध्यमको प्रवद्र्धनका लागि छ लाख रुपियाँ बजेट विनियोजन गरेको थियो ।
उक्त बजेटबाट ६० प्रतिशत नगरपालिकाको र ४० प्रतिशत सम्बन्धित सञ्चारगृहले बेहोर्ने गरी प्रस्ताव आह्वान गरिएकोमा नगरपालिकाले तोकेको मापदण्डभित्र आवेदन दिने सञ्चारमाध्यमलाई नगर प्रमुख गुमानसिंह अर्यालले ल्यापटप हस्तान्तरण गरेका हुन् ।
स्थानीय सञ्चार माध्यमको विकासका लागि नगरपालिका सहयोग गर्न सधैंँ तयार रहेको बताए। नगर प्रमुख अर्यालले सञ्चार माध्यमले नगर पालिकाको गतिविधि बाहिरल्याई आमनागरिकलाई सुसूचित गर्न महत्वपूर्ण सहयोग पुर्याएको बताए । गोरखापत्र
प्रकाशित: २७ असार २०७८, आईतवार
