काठमाडौं ।
चिनियाँ राइड हेलिंग कम्पनी डीडी ग्लोबल इंकले यसको एप्लिकेसनलाई चीनको एप स्टोरबाट हटाईएको रेगुलेटरी आदेशले आम्दानीमा असर पर्ने बताएकाे छ ।
कम्पनीले संयुक्त राज्य अमेरिकामा सूचीबद्ध भएलगत्तै चिनियाँ नियमकारी निकायहरुबाट आदेश पाएको थियो । कम्पनीले प्रयोगकर्ताको डाटा दूरुपयोग गरेको आशंकामा चीनमा अनुसन्धान शुरु गरिएको छ ।
आइतवारको साइबरस्पेस एडमिनिस्ट्रेशन अफ चाइना (सीएसी) को टेकडाउन आदेश नियामकले डीडीमा अनुसन्धान घोषणा गरेको दुई दिन पछि आएको हो ।
सो आदेश रअनुसन्धानले आगामी दिनमा कम्पनीको आम्दानी प्रभावित हुने डीडीले बताएको छ ।
गत बर्ष अलीबाबाको फिनटेक एन्ट ग्रुपद्वारा योजनाबद्ध ३४ अर्ब डलरको आईपिओको क्रममा पनि चिनियाँ नियमनकारीले अनुसन्धान गर्दै जरिवाना लगाएको थियो ।
पछिल्ला दिनहरुमा टेक जायन्ट चिनियाँ कम्पनीहरुलाई चीनले कडाई गर्दै लगेको छ ।
प्रकाशित: २१ असार २०७८, सोमबार
