काठमाडौं ।
के तपाइँको जिमेलमा पनि प्रमोश्नल वा स्पाम मेलको कारण अक्सर भरिन्छ ? धेरै पटक हामी गल्तिले कुनै एक सेवाको सदस्यता लिन्छौं र त्यसपछि यसको मेलहरू आउन शुरू हुन्छन्।
आज हामी तपाईंलाई त्यस्ता मेलहरूबाट कसरी छुटकारा पाउने र इनबक्स खाली गर्ने बारेमा बताउनेछौं।
ईमेल यसरी रोक्नुहोस्
- कुनै एक प्रेषक वा ईमेल सेन्डरलाई रोकिएको छ भने यसको सन्देश स्पाममा जान्छ।
- तपाईंको कम्प्युटर वा ल्यापटपमा जीमेल खोल्नुहोस्।
- जो व्यक्तिलाई तपाईँ ब्लक गर्न चाहनुहुन्छ त्यसको ईमेल सन्देशमा जानुहोस्
- तपाईंले मेलको माथि दायाँ कुनामा मोरमा क्लिक गर्नुपर्नेछ।
- यसपछि ब्लक (प्रेषक नाम) Block (Sender Name) विकल्पमा क्लिक गर्नुहोस्।
- यदि तपाईंले कसैलाई गल्तीले ब्लक गर्नुभएको छ भनेपनि यसै प्रक्रियाद्वारा अनब्लक गर्न सकिनेछ।
कुनै यस्तै साइटमा तपाईँले यदि साइन इन गर्नुभएको छ जसले धेरै ईमेलहरु पठाउँछ भने तपाईं सदस्यता रद्द (अनसब्सक्राइब) गर्न सक्नुहुनेछ
- जिमेल खोलेपछि, त्यस्ता मेल पठाउने प्रेषकको मेल खोल्नुहोस्।
- सेन्डरको नाम सँगसँगै सदस्यता रद्द गर्नुहोस् वा परिवर्तन प्राथमिकताहरू(Unsubscribe or Change preferences) दिइएको हुनेछ। यसमा क्लिक गर्नुहोस्।
- यदि तपाईँले यो विकल्प देख्नुहुन्न भने, तपाईं माथिको तरिकामार्फत प्रेषकलाई रोक्न सक्नुहुन्छ।
- ध्यानमा राख्नुहोस्, यदि तपाईंले मेल सदस्यता समाप्त गर्नुभयो भने, पूर्ण सदस्यता रद्द गर्न यसले केहि दिन लिन सक्दछ।
यसैपनि जिमेल इनबक्सबाट स्पामलाई टाढै राख्ने कोशिश गर्दछ । तर पनि कहिलेकाहीँ स्पाम मेसेजहरु आई नै रहन्छन् । यसबाट पार पाउन यस्तो गर्नुहोस् ।
- स्पाम मेललाई खोलेर ओपन गर्नुहोस्।
- पेजको टपमा दिएको रिपोर्ट स्पाममा ट्याप गर्नुहोस् ।
कुनै मेललाई स्पाम रिपोर्ट गरेको खण्डमा वा म्यानुअली कुनै मेललाई स्पाम फोल्डरमा पठाएको खण्डमा गुगललाई एक कपी उपलब्ध हुनेछ । यस कपीलाई कम्पनीले विश्लेषण गर्दछ र यूजर्सलाई यस्ता किसिमका ईमेलहरुबाट सुरक्षा प्रदान गर्दछ।
यदि तपाईँको इनबक्समा कुनै शंकास्पद ईमेल देखिएको छ जसमा तपाईँको पर्सनल जानकारी माग गरिरहेको छ भने यस्तो मेललाई फिशिंगको रुपमा रिपोर्ट गर्न सकिनेछ । यस्तो छ तरिका-
- जिमेल ओपन गरेपछि जुन मेलमा संका छ त्यसमा जानुहोस्।
- मेलाको टप राइट कर्नरमा मोर (More) मा क्लिक गर्नुहोस् ।
- यसपछि रिपोर्ट फिशिङ्ग(Report phishing) मा ट्याप गर्नुहोस्।
प्रकाशित: १८ असार २०७८, शुक्रबार
