काठमाडौं ।
आईफोनमा कुनै विशेष नामको वाईफाई हटस्पट कनेक्ट गरेमा आईफोनको वाईफाई कार्य नै बिग्रने भएको छ र यसलाई रिबुट गरेर समेत बनाउन सकिँदैन् ।
हालै आइफोनमा नयाँ बग पत्ता लागेको हो जसले गर्दा प्रयोगकर्ता कुनै विशेष नाम राखिएको नेटवर्कमा जोडिएपछि वाईफाई ब्रेक हुन थालेको छ । यसलाई आईफोन बग नाम दिईएको छ ।
रिभर्स इन्जिनियर कार्ल सोउले आईओएस डिभाइसहरुमा रहेको यो बग पत्ता लगाएका हुन् जसको बारेमा ब्लीपिङ कम्प्युटरले उल्लेख गरेको छ ।
जेडिनेटकाअनुसार वाईफाईको नाम %p%s%s%s%s%n जस्तो दिएमा आईफोनमा वाईफाईको कार्य नै दिर्घकालिनरुपमा बन्द हुने उनले ट्विटरमार्फत जानकारी दिएका हुन् ।
After joining my personal WiFi with the SSID “%p%s%s%s%s%n”, my iPhone permanently disabled it’s WiFi functionality. Neither rebooting nor changing SSID fixes it :~) pic.twitter.com/2eue90JFu3
— vmcall (@vm_call) June 18, 2021
वाईफाईलाई फेरि ठिक गर्न आफ्नो नेटवर्क सेटिङ्गलाई रिसेट गरेर पुन : चलाउन सकिन्छ ।
यसका लागि सेटिङ्गमा गएर जनरल भन्ने अप्सनमा जानुसु र रिसेटमा थिचेर रिसेट नेटवर्क सेटिङ्ग भन्ने अप्सनमा थिच्नुपर्छ ।
फर्म्याटिङमा समस्या भएको कारणले गर्दा यस्तो समस्या आएको हुनसक्ने ब्लिपिङ कम्प्यूटरले उल्लेख गरेको छ । यो समस्या आईओएस १४.६ मा पनि रहेको पाइएको छ । सुरुमा % को साइनलाई आईओएसले प्रोग्रामिङ कमाण्ड हो भन्ने मान्दछ जसले गर्दा वाईफाई ब्रेक हुने बताईएको छ ।
तर आईफोन निर्माता कम्पनी एप्पलले यो नयाँ बगको बारेमा केही उल्लेख गरेको छैन् ।
प्रकाशित: ६ असार २०७८, आईतवार
