काठमाडौं ।
नाइजेरियाको सरकारले आफ्नो देशको मोबाइल फोन नेटवर्क कम्पनीहरुलाई ट्वीटरमा पहुँच रोक्न भनेको छ सो बारेमा हालै उद्योगहरुको नियमनकारी निकायले आदेश दिएको छ ।
फोन प्रयोगकर्ताहरूले साइट पहुँच गर्न कठिनाइको सामना गरिरहेको रिपोर्ट गरिरहेका छन्। यो अझै पनि केही वाईफाई नेटवर्कहरू मार्फत उपलब्ध छ।
सरकारले नाइजेरियाभित्र ट्विटरको सञ्चालन अनिश्चित कालका लागि स्थगित गरिसकेपछि यो नयाँ निर्देशन आएको बताईएको छ ।
सो साइटले ‘नाइजेरियाको कर्पोरेट अस्तित्व’ लाई कमजोर बनाउन प्रयोग गरिएको आरोप लगाईएको थियो।
बीबीसीकाअनुसार ट्विटरले यस प्रतिबन्धलाई गंभिर चासोको साथ हेरेको बताएको छ ।
एसोशिएसन अफ लाइसेन्स्ड टेलिकम्युनिकेसन अपरेटर्स अफ नाइजेरियाले यसको सदस्यहरूले टेलिकम कानून र ‘लाइसेन्स सर्त’ मा रहेको ‘राष्ट्रिय हितको प्रावधान’ को आधारमा ट्विटर पहुँच निलम्बन गर्न अनुरोध गरेको बताएको छ । तर यसले संयुक्त राष्ट्र संघको अफलाईन र अनलाइन दुबै संचार गर्ने अधिकारको स्थितिलाई समर्थन गर्दै सुरक्षित हुनुपर्ने बताएको बीबीसीको रिपोर्टमा उल्लेख छ ।
यो प्रतिबन्ध नाइजेरियाका राष्ट्रपति मुहम्मदू बुहारीलाई प्लेटफर्मको नीति विपरित गएको भन्दै हटाएको भोलीपल्ट आएको हो । उनले नाइजेरियाको सिभिल वारको बारेमा विवादास्पद ट्वीट गरेसँगै उनलाई ट्विटरले हटाईदिएको थियो ।
अब सो प्रतिबन्ध कहिले खुल्नेछ भन्ने कुनै जानकारी छैन् ।
प्रकाशित: २२ जेष्ठ २०७८, शनिबार
