ताजा समाचार

प्रविधि उद्यमी तथा विवेकशील साझा पार्टीका पूर्वअध्यक्ष उज्ज्वल थापाको निधन

प्रविधि उद्यमी तथा विवेकशील साझा पार्टीका पूर्वअध्यक्ष उज्ज्वल थापाको निधन
Global IME Bank

विवेकशील साझा पार्टीका पूर्वअध्यक्ष एवं वर्डप्रेस नेपालका सह संस्थापक उज्ज्वल थापाको निधन भएको छ ।

ललितपुरस्थित नेपाल मेडिसिटीमा उपचाररत थापाको इक्मो प्रविधिबाट उपचारको प्रयास भएको थियो ।

विवेकशील साझा पार्टीका संयोजक मिलन पाण्डेले पूर्व संयोजक थापाको निधन भएको सामाजिक सञ्जालबाट जानकारी गराएका छन् ।

कोरोना र निमोनिया देखिएपछि केही साताअघि अस्पताल भर्ना भएका ४४ वर्षीय थापाको सोमबार पीसीआर परीक्षणमा नेगेटिभ आएको थियो ।

थापालाई यसअघि ग्राण्डी र ह्याम्स अस्पतालमा पनि उपचार गरिएको थियो।

थापाले आफ्नो करियर प्रविधि उद्यमीको रुपमा शुरु गरेका थिए । उनले सन् २००२ मा डिजिटल म्याक्स सलुसन्स नामक वेबसाइट विकास गर्ने तथा सोशल मिडिया ब्राण्डिङ्ग गर्ने कम्पनी संचालन गरेका थिए । पछि उनी वर्ड प्रेस नेपाल स्थापनामा सक्रिय सहभागी भएका थिए ।

Sajilo Visa
easy care