भारतमा सरकार विरोधी ट्वीटमाथि सेन्सर, चाैतर्फी विरोध

काठमाडौं ।

कोरोनाले दिनहुँ मानिसहरु मरिरहँदा पनि सरकारले कुनै पहल नगरेको भन्ने सन्देश भएका ट्विट हटाउन आदेश दिएपछि प्रयोगकर्ताहरु त्यसको विरुद्धमा सामाजिक सञ्जाल तताइरहेका छन्।

ट्विटरका एक प्रवक्ताले केही सामग्री भारतमा हेर्न नसकिने गरिएको पुष्टि गरेका छन्। भारतमा ठूलो सङ्ख्यामा कोरोनाका बिरामी तथा मृतकहरु बढिरहेका छन् भने बिरामीहरु अक्सिजन र भेन्टिलेटर नपाएर छट्पटाइरहेका छन्।

एक जना प्रयोगकर्ताले हालै भारत सरकारलाई ‘अक्सिजन आपूर्ति गर्नुभन्दा ट्विट हटाउन सजिलो’ भएको ब्यहोराको ट्विट गरेका थिए।

https://twitter.com/ens_socialis/status/1386199139604594692

सरकारले लगायत यस्ता ब्यहोरा भएका ट्विटहरुले जनमानसमा नकारात्मक प्रभाव पर्ने देखेर ट्वीटमा सेन्सर गर्न आकस्मिक आदेश दिएको अनलाइन सामग्रीका विषययमा विश्वको सरकारले दिएका आदेशको लगत राख्ने डाटाबेस ल्युमेनमा ट्विटरले खुलासा गरेको छ।

Because you know it’s easier to take down tweets than it is to ensure oxygen supplies.

Via Shuddhabrata Sengupta

"On the Centre's request, Twitter takes down 52 tweets criticising India's handling of the pandemic"

— Aftab Alam (@aftabistan) April 25, 2021

ट्विटरले कुन कुन सामग्री हटाएको हो भन्नेबारे केही नबताए पनि सञ्चारमाध्यममा आएका रिपोर्ट अनुसार हटाइएका मध्येका पश्चिम बंगालका एक राजनीतिज्ञले प्रधानमन्त्री मोदीलाई कोरोनाका कारण बढिरहेको मृत्युदरको प्रमुख कारकका रुपमा प्रस्तुत गरेको र एक अभिनेताले प्रधानमन्त्री मोदीलाई कोरोनाका बेला चुनावी र्याली गरेको भन्दै विरोध गरेकालगायतका सामग्री रहेको बुझिएको छ।