Technology Khabar ७ बैशाख २०७८, मंगलवार
काठमाडौं ।
बेलायती सरकारले फाइभजी नेटवर्क रोलआउट द्रुत बनाउन ग्रामीण इलाकामा ठूला र फराकिलो मोबाइल फोन टावरहरू निर्माण गर्न अनुमति दिने भएको छ।
सरकारले ग्रामीण क्षेत्रको कभरेज सुधार गर्ने योजना अन्तरगत संसदले यसको लागि मतदान गर्नेछ र जसमा “कुनैपनि दृश्य प्रभावलाई न्यून गरेर” बनाईने बताईएको छ।
सार्वजनिक जमिनमा हाल टावरको उचाई २० मिटर सम्म अग्लो हुनेगरि सीमित गरिएको छ, तर नयाँ टावरको उचाई ३० मिटर सम्मम हुनसक्नेछ।
मोबाइल फर्महरूलाई नयाँ टावरहरू बनाउन स्थानीय काउन्सिलहरूको अनुमति चाहिन्छ।
राष्ट्रिय निकुञ्जहरू, संरक्षण क्षेत्र र उल्लेखनीय प्राकृतिक सौन्दर्य भएको क्षेत्रलगायतका संरक्षित क्षेत्रहरूमा भने कडा नियमहरू लागू हुनेछन्।
केही व्यक्तिहरूले भने तिनीहरूको उपस्थितिको कारण मोबाइल फोन टावरको विरोध गर्दछन्।
यसै विषयमा बेलायतको वेस्ट योर्कशायरको शोल्स भन्ने स्थानमा राखिएको ५जी टावरको बारेमा विवाद भएको थियो ।
फाइभजीले उच्च फ्रिक्वेन्सी तरंगहरूको प्रयोग गर्दछ ताकि अधिक डिभाइसहरू यसमा कनेक्टगर्न सकियोस र तिब्रगतिको इन्टरनेट प्राप्त हुन्छ।
यद्यपि उनीहरूलाई टेक्नोलोजीलाई उपलब्ध गराउनको लागि अधिक ट्रान्समिटर टावरको आवश्यक पर्दछ।
मोबाइल कम्पनीहरुलाई नयाँ निर्माणको सट्टा विद्यमान टावरमा सुधार गर्ने कुरामा ध्यान दिन प्रोत्साहन दिइने डिजिटल, संस्कृति, मिडिया र खेल विभागले बताएको छ।
बेलायतको यो सुधार प्रयास सरकारको १ अर्ब पाउण्डको शेयर्ड ग्रामिण नेटवर्क योजनाअन्तरगत हो । बीबीसी
प्रकाशित: ७ बैशाख २०७८, मंगलवार
