ताजा समाचार

पाँच मिनेटमा नै कोभिड-१९ को सङ्क्रमण जानकारी दिने प्रविधि पत्ता लाग्यो

पाँच मिनेटमा नै कोभिड-१९ को सङ्क्रमण जानकारी दिने प्रविधि पत्ता लाग्यो
Global IME Bank

जापानले पाँच मिनेटमा नै कोभिड-१९ को सङ्क्रमण भए नभएको बारेमा थाहा पाउने प्रविधि पत्ता लगाएको जनाएको छ ।

जापानको रिकेन रिसर्च इन्स्टिच्युट र युनिभर्सिटी अफ टोकियोले गरेको अनुसन्धानबाट सो प्रविधि पत्ता लगाइएको हो ।

जापानी सञ्चारमाध्यमहरुले मङ्गलबार उक्त जानकारी सार्वजनिक गरेको हो। जापानमा पनि पिसिआर टेस्ट नै प्रचलनमा छ । तर पनि यो प्रविधिबाट हाल कोभिड-१९ को भाइरस पत्ता लगाउनका लागि कम्तीमा पनि एक घन्टा समय लाग्ने गरेको छ । अब भने कुनै पनि व्यक्तिको स्याम्पल लिएको पाँच मिनेट भित्रैमा उसको शरीरमा कोभिड-१९ पोजेटिभ भए नभएको पत्ता लाग्नेछ ।

प्रविधि विकासले कोरोनाको सङ्क्रमणको परीक्षण गर्न र समयमै पत्ता लगाउनका लागि ठूलो सहयोग पुग्ने कुरा विज्ञहरुले जनाएका जापानको राष्ट्रिय टेलिभिजन संस्था एन एच केले जनाएको छ।

उक्त इन्स्टिच्युटका एकजना वैज्ञानिक रिकेन वातानावेले यो प्रविधिबाट परीक्षण गर्नका लागि कुनै पनि जटिल प्रक्रिया नभएको र सामान्य रुपमा र थोरै उपकरणको सहायताबाट नै पत्ता लाग्ने जानकारी दिए ।

Sajilo Visa
easy care