फेसबुकमा अब स्पोटीफाइमा भएका संगीत तथा पोडकास्टहरु सुन्न सकिने

काठमाडौं ।

फेसबुकले म्युजिक कम्पनी स्पोटीफाइसँगको सम्बन्धलाई अझ प्रगाढ बनाउँदैछ र प्रयोगकर्ताहरूलाई यसका एपमार्फत ब्राउज गर्दा स्पोटीफाइमा होस्ट गरिएको संगीत सुन्न अनुमति दिनेछ ।

फेसबुकका सीईओ मार्क जुकरबर्गले सोमबार दिएको जानकारीअनुसार फेसबुकले ‘प्रोजेक्ट बूमबक्स’ नामक नयाँ पहलको हिस्साका रूपमा सो सुबिधा दिने भएको हो ।

फेसबुकले एक इन-लाइन अडियो प्लेयर बनाइरहेको छ जसले प्रयोगकर्ताहरूलाई प्लेटफार्ममा साझेदारी भइरहेको गीतहरू वा प्लेलिस्टहरू सुन्न अनुमति दिनेछ जसमा स्पोटीफाइको एप वा वेबसाइटमा बाह्य लिंक नगरीकन नै यो सुबिधा प्राप्त हुनेछ।

जुकरबर्गले यस प्लेटफर्ममा सिर्चनाकारहरूको अनुभव सुधार गर्न डिजाइन गरिएको अर्को उत्पादनको रूपमा फिचरलाई हाइलाइट गरे, विशेष गरी संगितकारहरूको उनीहरूको काम साझा गर्ने क्षमतालाई उल्लेख गरे । ‘आधारभूतरुपमा अडियोलाई प्रथम श्रेणीको मिडिया बनाउने,’ उनले भने।

यो प्लेयरले संगीत र पोडकास्ट दुबै समर्थन गर्ने बताईएको छ । यो मेक्सिको र थाईल्याण्ड लगायतका गैर अमेरिकी बजारहरुमा पहिले नै परीक्षण गरिएको छ र लगभग एक हप्तामा आउने आशा गरिएको छ।

जुकरबर्गले यो सुबिधा हाल बजारमा भएका अन्य भन्दा निकै फरक रुपमा आउने बताएका छन् । एजेन्सीका साथ