काठमाडौं ।
इन्टरनेट सेवा प्रदायक कम्पनी वर्ल्डलिंक कम्युनिकेसन्स लिमिटेडले एयरटेल नेक्स्ट्राडाटा (Airtel NextraData) लाई नेपालको लागि राष्ट्रव्यापी डाटाबेस परियोजनाका लागि डिजाइन परामर्शदाताको रूपमा नियुक्त गरेको छ।
एयरटेलको नेक्स्ट्रा सबैभन्दा पुरानो र अधिक अनुभवी साझेदार हो जसले मल्टिसिटी, क्यारियर तटस्थ र वृद्धि गर्न योग्य डाटा सेन्टर सेवाहरू प्रदान गर्दछ । यसले कम्पनीको डाटा केन्द्र पार्कहरू, कोर र एज साइटहरू काम गर्नेछ । तिनीहरू एयरटेलको डाटा सेन्टर शाखा हुन् एयरटेलले लगभग १५ देशहरु र ५० शहरहरूमा कभरेजका साथ विश्वभर टेलिकम र नेटवर्क सेवाहरू प्रदान गर्दछ।
‘डिजाइन, निर्माण र सञ्चालनमा उनीहरूको १५ बर्षको अनुभवसहित एयरटेलको आन्तरिक खपत र बाह्य ग्राहकहरुको आवश्यकताहरुका लागि उपयुक्त डाटा सेन्टरहरू निर्माण र डिजाइन गर्दै आएका छन् । सो अनुभवले हामीलाई समेत नेपालमा सजिलोसँग डाटा सेन्टर निर्माणमा सहयोग पुग्नेछ,’ वर्ल्डलिंकले भन्यो।
वर्ल्डलिंकले यसअघि नै गत माघमा देशभर कम्तिमा प्रत्येक प्रदेशमा एउटा डाटासेन्टर हुनेगरि १४ स्थानमा डाटासेन्टरहरु स्थापना गर्ने घोषणा गरेको थियो र कम्पनीले आगामी ३ वर्षभित्र यसको लागि ३ अर्ब रुपैयाँ लगानी गर्ने योजना समेत लिएको छ ।
कम्पनीले काठमाडौंसहित भरतपुर, बुटवल, बिरगंज, कोहलपुर, अत्तरिया सुर्खेत, भक्तपुरलगायतका १४ स्थानमा डाटा सेन्टर स्थापना गर्नेछ। ती डाटा सेन्टरलाई सबैले उपयोग गर्नसक्ने र त्यसमा ५०० भन्दा बढी र्याक राखिने जानकारी दिएको थियो।
नेक्स्ट्राडाटाले आगामी १ महिनाभित्र वर्ल्डलिंकका लागि डिजाइन परामर्शको प्रतिवेदन तयार पारेर उपलब्ध गराउने बताईएको छ । *सम्पादित
यो पनि हेर्नुस्-
वर्ल्डलिंक कम्युनिकेसन्सले देशभर १४ वटा डाटा सेन्टर स्थापना गर्ने
प्रकाशित: ६ बैशाख २०७८, सोमबार
