काठमाडौं ।
एप्पलले जर्मनीको म्यूनिखमा युरोपियन सिलिकन डिजाइन सेन्टर स्थापना गर्ने बुधबार घोषणा गरेको छ । कम्पनीलेआगामी तीन बर्षमा त्यहाँको टीम विस्तार गर्न, अनुसन्धान र विकासमा १.२ अर्ब अमेरिकी डलर भन्दा बढी लगानी गर्नेछ।
म्युनिक पहिले नै युरोपमा एप्पलको सबैभन्दा ठूलो ईन्जिनियरिङ्ग हब हो जहाँ ४० देशका करीव १,५०० ईन्जिनियरहरूले पावर व्यवस्थापन डिजाइन, एप्लिकेसन प्रोसेसर, र वायरलेस टेक्नोलोजी जस्ता क्षेत्रहरूमा काम गरिरहेका छन्।
नयाँ सुविधा एप्पलको बढ्दो सेलुलर इकाईको घर हुनेछ, र मोबाइल वायरलेस अर्धचालक(mobile wireless semiconductors) र सफ्टवेयरको लागि युरोपको सबैभन्दा ठूलो अनुसन्धान तथा विकास (आर एन्ड डी) साइटहुने एप्पलले एक विज्ञप्तिमा भन्यो। त्यहाँको टोलीले फाइभजी र अन्य वायरलेस टेक्नोलोजीमा केन्द्रित गर्ने कम्पनीलेबताएको छ।
यो विस्तारले सन् २०१८ मा एप्पलले एङ्गलो-जर्मन चिप डिजाइनर डायलग सेमीकन्डक्टरसँग गरिएको ६०० मिलियन डलरको सम्झौतालाई पछ्याएको छ जसअनुसार आईफोन र अन्य उपकरणहरूमा प्रयोग हुने मुख्य पावर चिपहरू डिजाइन गर्ने टीमहरूलाई भित्र ल्याउने छ। रोयटर्स
प्रकाशित: २७ फाल्गुन २०७७, बिहीबार
