मोबाइलमा एप डाउनलोड गर्दै हुनुहुन्छ, नक्कली एप डाउनलोड गर्नबाट यसरी बच्नुहोस्

काठमाडौं ।

गुगल प्ले स्टोरमा ठूलो संख्यामा एप रहेका हुन्छन् । स्मार्टफोन प्रयोगकर्तालाई सहजिकरण गर्न एपको विकास गरिएको हुन्छ । तर प्ले स्टोरमा रहेका केहि एप नक्कली पनि हुन्छन् । यी एप प्रयोगकर्ताको जानकारी तथा गोप्य डाटा चोर्नका लागि प्रयोग हुन्छन् ।

यस्तोमा नक्कली एपको पहिचान कसरी गर्ने भन्ने प्रश्न तपाईका मनमा उब्जिन सक्छ । त्यसका लागि चिन्ता गर्नुपर्दैन ।

हामीले नक्कली र सक्कली एप कसरी पहिचान गर्ने भन्ने विषयमा जानकारी दिन गइरहेका छौं । यसका लागि तपाईले एप डाउनलोड गर्नु अघि केहि विषयमा ध्यान दिनुपर्ने हुन्छन् । ती विषय यी हुन्ः

आइकोन र स्पेलिङमा ध्यान दिने

कुनै एप गुगल प्ले स्टोरमा सर्च गर्दा, सर्च लिस्टमा धेरै एप देखा पर्छन । यीमध्ये धेरै एप नक्कली पनि हुन्छन् । सहि एप पहिचान गर्न आइकोनका साथ स्पेलिङमा ध्यान दिनुपर्छ । यदि एपको आइकोन र स्पेलिङमा केहि गडबडी देखिएमा त्यस्ता एप डाउनलोड गर्नु हुँदैन । नक्कली एप डाउनलोड गर्दा डाटा तथा एकाउन्ट चोरी हुने खतरा रहन्छ ।

एप डेभलपरमा ध्यान दिने

कुनै पनि मोबाइल एप डाउनलोड गर्नु अघि एडिटर च्वाइस र टप डेपलपरमा ध्यान दिने । यसका साथै एपको आधिकारीक बेवसाइटमा गएर पनि जानकारी लिन सकिन्छ । यसबाट नक्कली एप डाउनलोड गर्नबाट बच्न सकिन्छ ।

मोबाइल एपको डाउनलोड संख्या

कुनै पनि एप डाउनलोड गर्नु अघि त्यो एप कति पटक डाउनलोड भएको छ भनेर हेर्नुपर्छ । सक्कली एप धेरै पटक डाउनलोड भएको हुन्छ । नक्कली एपको डाउनलोड संख्या कम हुन्छ । यसरी पनि नक्कली र सक्कली एपको पहिचान गर्न सकिन्छ ।

मोबाइल एप रिभ्यू अध्ययन गर्ने

नक्कली वा सक्कली एपको पहिचान गर्न त्यसको रिभ्यू अध्ययन गर्नुपर्ने हुन्छ । रिभ्यू सबै सहित हुन्छन् भन्ने ग्यारेन्टी त हुँदैन । तर पनि रिभ्यूको अध्ययन गर्दा एपको बारेमा धेरै जानकारी हासिल हुन्छ । त्यसका आधारमा एप डाउनलोड गर्ने वा नगर्ने भन्ने निर्कोयोलमा पुग्न सकिन्छ ।

अनावश्यक एप डाउनलोड नगर्ने

सामाजिक सञ्जालमा देखाइएका विज्ञापनका आधारमा कुनै पनि एप डाउनलोड गर्नु हुदैन । के प्रयोजनका लागि एप डाउनलोड गर्न चहानु भएको त्यसमा प्रष्ट हुनुहोस् । यदि त्यो एप तपाईका लागि उपयोगि छ भने मात्र डाउनलोड गर्नुहोस् । अनावश्यक एप डाउनलोड गर्दा डाटा चोरी हुनुका साथै फोनको स्टोरेज क्षमतामा पनि कमी आउँछ ।