काठमाडौं ।
चिनियाँ टेलिकम जायन्ट ह्वावेले अस्ट्रेलिया सरकारलाई कम्पनीसँग ६जी नामको मोबाइल टेक्नोलोजी कसरी ल्याउने भनेर कुरा गर्न आह्वान गरिरहेको छ। हालको ५जी मोबाइल नेटवर्कमा यसको उपकरणको प्रतिबन्ध दोहोरिन नदिनको लागि कम्पनीले शुरुवात देखिनै सहकार्य गर्न चाहेको छ ।
अस्ट्रेलियाको ५जी रोलआउटमा प्रतिबन्ध भोगिरहेको कम्पनीले आगामी दिनमा ६जीमा त्यसलाई उल्टाउनका लागि अस्ट्रेलिया सरकारसँग आउँदो पुस्ताको मोबाइल पूर्वाधारको लागि अनुसन्धान र विकासको लागि छलफल गर्न चाहेको द सिडनी मर्निङ्ग हेराल्डले उल्लेख गरेको छ।
ह्वावे अष्ट्रेलियाका कर्पोरेट मामिलाका निर्देशक जेरेमी मिचेलले भने कि अस्ट्रेलियाको ५जी नेटवर्कका लागि ह्वावेलाई उपकरण आपूर्ति गर्न ‘ढिलो नभएको’ तर ‘यो धेरै नै असम्भव छ।’
‘हामी अहिले अष्ट्रेलियाको सरकारसँग कुराकानी गर्न चाहन्छौं ६जी वा ७जी आउँदा हामी के गर्छौं, किनकि ह्वावे वा अर्को चिनियाँ कम्पनी यस क्षेत्रका नेता हुनेछन,’ मिचेलले भने।
उनले अष्ट्रेलियामा उत्तम प्रविधिमा पहुँच पुर्याउनका लागि सरकारसँग काम गर्न चाहेको तर त्यसो गर्ने तरिकाले सुरक्षा एजेन्सीहरूलाई जोखिम न्यूनीकरणको सर्तमा विश्वास दिलाउने बताए।
‘सिक्सजी अनुसन्धान विकासको सुरूमा मात्र हो तर यो प्रविधि कहाँ जाँदैछ भनेर बुझ्नको लागि अहिले जान महत्त्वपूर्ण छ,’ उनले भनेका छन् ।
प्रकाशित: ३ माघ २०७७, शनिबार
