काठमाडौं ।
बजार विश्लेषक फर्म एनालिसिस मेसनले टेलिकम उद्योग २०२१ देखि सामान्य विकासमा फर्किनेछ भन्ने अनुमान गरेको छ, तर उद्योगको राजस्व कोभिड १९ को भन्दा पूर्वस्तरमा फिर्ता आउन तीन बर्ष लाग्ने उल्लेख गरेको छ।
एनालिसिस मेसनले टेलिकम उद्योगको जानकारीहरु चयन गरिएका मिडिया आउटलेटहरू मार्फत हालै सार्वजनिक गरेको छ । संस्थाका विश्लेषकहरूले यो वर्ष टेलिकम उद्योगले ४३ अर्ब डलरले कमी आउने विश्वास राखेका छन् जुन २०१९ को तुलनामा २.७ प्रतिशतको कमी हो ।
उनीहरूले २०२१ मा १ प्रतिशत बृद्धि हुने अनुमान गरेका थिए र समग्रमा सन् २०२३ सम्म यसअघिको सन् २०१९ को राजस्व स्तरमा जान र ओभरटेक गर्नका लागि उद्योग फिर्ता हुनसक्ने छैन्।
विश्लेषकहरूले स्वीकार गरे कि उपभोक्ताहरूको लागि फाइभजी कनेक्टिभिटी सेवाले अर्थपूर्ण एआरपीयू वृद्धि प्रदान गर्ने छैन्, कम्तिमा छोटो अवधि, सीमित कभरेज मात्र हुनु र उपभोक्ताहरूले कठिन समयमा उनीहरूको खल्तीमा कडा पकड राखेका कारण यसो नहुने कारण मानिएको छ। यसले टेलिकम अपरेटरहरूलाई उपभोक्ता र उद्यम बजारमा अझ महत्त्वपूर्ण रुपमा नयाँ अवसरहरू खोज्न हौस्याउने बताईएको छ।
उपभोक्ता बजारमा, टेलिकम अपरेटरहरूले आफ्नो विज्ञता र क्लाउड सम्पत्तिलाई बढी आक्रामक रूपमा ‘मनिटाइज’ गर्ने एनालिसिस मेसनले प्रक्षेपण गरेको छ, जसले गेमिङ्गलाई समेत अगाडी बढाउन सक्नेछन्।
यसका साथै तिनीहरूले पनि फिक्स्ड मोबाइल कन्भर्जन एक एकीकृत अपरेटर्सद्वारा एक मजबूत लिवरेजको रूपमा प्रयोग गरिएको हुने विश्वास गरेका छन् ।
उपभोक्ता सेवाहरूको लागि फर्मको अनुसन्धान निर्देशक स्टीफन सेलले उल्लेख गरेअनुसार फिक्स्ड ब्रोडब्यान्ड व्यवसायले धेरै अपरेटरहरूको लागि मोबाइलमा आएको गिरावटलाई पूर्ति गर्न मद्दत गरेको छ। उनको पनि विश्वास छ कि फिक्स्ड वायरलेस एक्सेस व्यवसाय, जसले स्पष्टरुपमा ४ प्रतिशत बृद्धि दर्ता गरेको छ त्यसको बिस्तार जारी रहनेछ।
व्यापार र उद्यम बजारमा, फाइभजी कोरको बढ्दो प्रयोगसँगै टेलिकम अपरेटरहरू सुरक्षा र पहुँचलगायत एकीकृत संचार समाधानको साथ ‘रिमोट वर्क’को राम्रो स्थितिमा हुनेछन्। विश्लेषकहरू यो पनि विश्वास गर्छन् कि महत्वाकांक्षी अपरेटरहरूले रूपान्तरण अन्तर्गत अन्य क्षेत्रहरूलाई सहयोग पुर्याउँछन्, उदाहरणका लागि दूरस्थ स्वास्थ्य सेवा र शिक्षा।
प्रकाशित: १९ मंसिर २०७७, शुक्रबार
